MawLaMyaing Ah SAC Ralkap Nih PDF Bawmchantu An Tlaih Hna

Mon ramkulh, MawLaMyaing khua ah SAC ralkap le palik nih PDF a bawmchantu hna cu an tlaih hna, tiah tualchung mi hna nih an chim. SAC ralkap nih a lam kip in PDF a bawmchantu hna cu an umnak hmun dik thliar tein an theih hna i, ralkap le palik tam ngai in an va tlaih hna, tiah theih a si.

“An tlaih hna lioah SAC ralkap nih an duhmi an hmuh hlan lo cu, ralphaw hman ding in an chungkhar an tlaih hna,” tiah MawLaMyaing ummi pakhat nih a chim. A luancia June thla zarh thumnak in July zarh khatnak tiang ah PDF a bawmchantu 10 nak tlawm lo an tlaih cang hna. Tam deuh cu ralphaw ah an hman hna. Creadit : The Chin Post