Maungdaw Peng AA le SAC Ralkap Kahdohnak Ah SAC Ralkap 13 An Thi 4 An Tlaih Hna

Maungdaw Peng AA le SAC Ralkap Kahdohnak Ah SAC Ralkap 13 An Thi 4 An Tlaih Hna. Rakhing ramṭhen, Maungdaw peng, Kyinchaung khua i Arakan Army(AA) le SAC kar kahdohnak ah SAC ralkap 13 an thi i an nung in 4 an tlaih hna, tiah theih a si.

Septber 10 zinglei sumilam 6 hrawng ah rallam a rak sialmi SAC ralkap pawl cu Kyinchaung Kyaukpy tlang(ကြိမ်ချောင်းဂုပ္ပိတောင်) ah kan kah hna i kaphnih kar kahdohnak a chuak. SAC ralkap sakhan cu kan lak i, an nung in ralkap 4 kan tlaih hna pinah hriamnam zong zeimawzat kan lak, tiah AA nih an thanh. Credit : The Chin Post

thawngpang dang relchap : Moebyel Kahdohnak Ah SAC Ralkap 15 An Thi, Nithum Chung Kahdohnak ah SAC Ralkap 60 Hrawng An Thi

Shan le Karenni ramkulh aa tonnak Moebyel(မိုးဗွဲ) ah September 10 tiang ah khan kahdohnak voi thum a chuak. 10 Sept, a voi 3 nak kahdohnak ah SAC ralkap lei in ralkap 15 an thi ṭhan. September 8 in September 10 tiang nithum chung kahdohnak ah SAC ralkap 60 hrawng an thi i, an hriamnam tamlak kan lak khawh, tiah KNDF le Moebyel PDF nih an thanh.

September 10, zinglei suimilam 11:00 in zaanlei suimilam 6:30 tiang kahdohnak a chuak i, zaanlei suimilam 4:00 hrawng ah SAC ralkap nih raltuknak vanlawng hmang in voi 7 tiang vanlei kahdohnak an tuah. Kaphnih kar kahdohnak ah SAC ralkap 15 an thi, hliamhma tuar zong an tam, tiah Moebyel PDF nih an thanh.

Tualchung hriamtlai phu lei in minung 10 cu hliam hme an pu i, minung 3 hliam fak an pu, tiah theih a si. September 8 kahdohnak ah SAC ralkap 30 leng an thi, September 9 kahdohnak ah SAC ralkap 15 le September 10 kahdohnak ah SAC ralkap 15 leng an thi ṭhan. nithum chung kahdohnak ah SAC ralkap 60 hrawng an thi, tiah tualchung hriamtlai phu nih cathanh an chuah.crd the chin post