MaTaYar Le MyinMu Ah SAC Ralkap Motor Bomb Puah An Ton Caah Ralkap 8 An Thi

Mandalay ramṭhen, MaTaYar(မတ္တရာ) peng PanTaLay Taung(ပန်းသလဲတောင်) le KyaukSeLay(ကျောက်ဆည်လေး) khua pawng ah hmunhma humhimnak tuah dingah a kal mi SAC ralkap pawl cu, nizan July 4 chun sml 12:40 ah NatSu(နတ်ဆိုး) phu nih bomb in an puahhnawh hna caah ralkap 5 an thi, tiah theih a si.

Thazaang 20 hrawng in a kal mi SAC ralkap pawl cu, bomb in kan puahhnawh hna, tiah NatSu phu nih cathanh an chuah. The Chin Post

thawngpang dang relcahp : India Ram Manipur Ramkulh I Vawlei Min Ruangah A Thi Mi 42 An Tling Cang I, 20 An Tlau Rih!

India Ram Manipur Ramkulh I Vawlei Min Ruangah A Thi Mi 42 An Tling Cang I, 20 An Tlau Rih!: Kan hnu zarh cawn ninga ni ahkhan India ram state pakhat Manipur ramkulh, Noney pengah vawlei a min i, thawngpang hlat a si tiang ah minung 42 ruak hmuh a si cang. Vawlei min a chuahnak hmun hi India ralkap hna hmunkhuarnak, tlanglawng lampi kam a si. Nunnak a liam mi tam deoh cu India ralkap a si i, a tlau mi zeimawzat an um rih. A tlau mi hna hi dam tein hmuh an si lai ruahchannak a um lo. Tualchung mipi hna le India ralkap nih bawmhchanhnak an kalpi cuahmah lio, tiah theih a si.

Nunnak a liam mi hna cu Assam state, Manipur, Tripura le West Bengal lei in an si hna i, anmah umnak khua leiah kalpi an si cang hna. Hi thawng kan hlat tiang ah minung 20 hmuh an si rih lo caah India ralkap pawl zong nih an hmanrua ṭhaṭha an chuahpi tiah theih a si. Nain vawlei a minhnak hmun hi tlangpang a si caah le ruahti a tam ruangah rian hma a kal lo ngai, tiah theih a si.

Denmark I Dawrhmun Pakhat Ah Meithal Puahnak A Chuak I, Civil Mi 3 An Thi!: Denmark khuapi Copenhagen, Dawrhmun(Shopping mall) pakhat ah kum 22 mi Danish pa nih meithal a puah caah civil mi 3 nunnak a liam i, midang 3 zong hliam faak ngai an tuar, tiah Denmark palik nawlngeitu hna nih an thanh.

Dawrhmun i um mi mipi hna cu anmah pumpak himnak kawl in an zaam hna i, Denmark palik pawl nih cun meithal puahtu cu an tlaih colh kong an thanh. Hi meithal puahnak ahhin hriamtlai phu an i tel lai, tiah Denmark palik nih cun an lunghrinh nain atu tiang ah mi pakhat lawng an tlaih khawh rih. Denmark palik nih cun hlathlainak an tuah cuahmah lio tiah an thanh. Credit : The Chin Post