MATAHYAR I RALDOH KALMI RALHRANG RALKAP HNA CU MIPI RALKAP NIH BOMB AN PUAH HNA I PATHUM AN THI,KANI ZONGAH RALHRANG RALKAP PAHNIH AN THI

MATAHYAR I RALDOH KALMI RALHRANG RALKAP HNA CU MIPI RALKAP NIH BOMB AN PUAH HNA I PATHUM AN THI,KANI ZONGAH RALHRANG RALKAP PAHNIH AN THI

Mandalay ramthen ,Matahyar peng a hmailei kam ah raldoh ak ah a rak i thawhmi Ralhrang ralkap minung 27 cu bomh an puah hnawh hna i pa 3 an thi tiah theih asi

Nihin August 21 chun suimilam 2:10 ah Tayatkaing khua le Ziiphyo khua karlak ah bomb an puah hnawh hna i SAC ralhrang pa 3 an thi i tampi nih hlaimhma an tuar tiah Naatsoe thawnghlattu i tuanvo ngeitu pakhat nih a chim.

Cubantuk thiamthiam in Sagaing ramthen,Kani peng,Perking khua pawngah khuachung mipi ralkap ,Muaipaingtaung phu le SAC Ralhrang hna nihin August 21 zanlei suimilam 4:00 hrawngah kaahdohnak an ngei i ralhrang lei in minung 2 an thi tiah tuanvo ngeitu nih a chim.

“I dohnak cu cikkhat te asi ko nain Ralhrang lei i pahnih cu hmakhatte ah an thi colh ko.Kan nih lei cu khawndennak le hliam umlo tein hnu kan tolh than kho. I dohnak ahhin kanmah lawng kan si i minung thazang lawng kan ngei.Hriamnam kan ngeihlo caah tha teiin kan i kilveng kholo.Cucaah cun khuami hna zaangfah ngaihthiamnak kan in nawl ko hna.Hriam tha a ngeimi khua le peng hna nih rak kan bawm ve hram ko uh tiah kan in sawm ko hna tiin”Muainpanntaung phu i tuanvo ngeitu KO Ruh Khah Soe nih a chim.

Photo hi cu a dangta kan lakmi a si.