MAH He An Ṭial Aakhat Mi Thailand PM Prayut Chan O Cha An Ṭial Aakhat Mi Kawl Ralhrang Rallokap le Thai Ralkap (Myanmar, Thai militaries in cahoots)

MAH He An Ṭial Aakhat Mi Thailand PM Prayut Chan O Cha
An Ṭial Aakhat Mi Kawl Ralhrang Rallokap le Thai Ralkap (Myanmar, Thai militaries in cahoots)

Ukraine cu an ram Innpa an ṭha dih. American le ram tam pi nih Hriamnam hman cawk lo le phaisa tampi an bawmh hna. Cucaah Vawlei Superpower 2nd Russia nih a tei khawh hna lo. Suimilam 48 ah (Ni 2) ka tuk lai I ka lak lai tiah Russia Tamada Putin nih a ti nain, Nihin tiang an lak kho lo. Ram Innpa an ṭha tuk caah asi. Kan nih Paucan Dohthlennak cu Ram Innpa an chiakha tuk, zei ram hmanh nih an kan bawmh ve lo.

Kanmah kutke le kan mah Kutserh mi Puahceh, Thalpat le Lai meithal tein kan doh hna. Ukraine Bantukin kan bawmh ve hna sehlaw, Ram Innpa ṭha hna sehlaw cu, Ralhrang kan thluk hna hi a hlan tuk cang lai. Ram Innpa Tuluk, India, Lao, Thailand le ASEAN ram 10 nih MAH lei ah an ṭanh dih. Tutan cu Ram Innpa Thailand Ralkap le an PM Prayut cu Rallokap le MAH he an ṭial aa khat bak mi an si timi kan hrawm hna.

Kawlram Jet Fighter nih Ramri Thai Khua a kah sual hnu ah Ṭaak District ah Sentary cawng mi Thai Ralkap
Karen kah awk ah aa thawk mi MiG-29 Rallokap Vanlawng cu Thailand ram ah a lut. Thai Khuami le ngakchia Hechet tiah himnak hmuh duh ah an tlikzam len. Nain MAH le Prayut he zeihmanh asi lo cu an ti ve ve mi nih, Kawidua an si nak le an ṭial aakhat nak a langh ter khun. Kawlram Rallokap hi Thai ralkap nawl aa cawng. Thai Ralkap bantuk si a duh mi asi. Thai SPH ralkap zong nih Kawlram Rallokap Bantukin Ramkhel ah anmah cungnung bik si kha an duh tuk ve. Ramkip le Bu kip nih hniksak nak caah hngak hlang cio mi ansi. Hi ram pahnih nih Mipi kan duh ning le Sipuazi vialte kha timh ciammam tein an kan chut khawh ahcun: Ram tampi an nawl cawng ding mi an tam tuk ve.

MiG – 29 story hlan ah Thai Kawlram pehtlaihnak hi a theihmi paoh anmit Artipum tia in ai tar dih. Thai Ralkap Bawizik rual nih 2006 – 2014 ah a tu le tu ti awk in uknak an chut lengmang ve hna. Uknak chut hmang ve ve an si caah, Rallokap ve ve cu pehtlaihnak an ṭha khun. Upa le Lubo rual bawi hna cu: ani len kai, seminar an tuah, party an tuah, tbk in an tlo ngai ngai. MAH cu Thai SPH ruahnak pe tu (Thai State Chancellor) asimi Bochuci Parem Tinsulanunda I Adopt son (fapa ah aa lak mi) asi tiah Thailand le Vawleipi ah amin thang ngai ngai. 2021 February, hramhram in uknak a lak tir ah khan MAH nih PM Prayut sin ah ca a kuat mi cu: Uknak a lak nak aruang; le cohlan awk ah asi.

Prayut nih ruahnak a cheu Bantukin MAH nih Roadmap, Phunghrampi thar le Hmaikum ah thimhnak tuah ding ah asi. Cucu MAH nih Likmalak tiah TV in a chim colh ve. Rallokap nih anmah duhning in ṭialmi Phunghrampi le thimhnak deu cu Dinfel nak, adik mi le Dotla mi asi lai kha zumh cio asi lo nain. Hramhram in Rallokap uknak phunghrampi pakhat le thimhnak in lehrulh awk ah MAH nih aa zuam colh. Kawlram Rallokap cu Thai ralkap nih an tuah Bantukin rihkhiah mi um lo bakin Rallokap nih ukpen zungzal khawh nak kha aatimh ve cang. Thailand ralkap nih kanmah lawng siloin Kawlram zong Vawleipi ah a mithmai bit ve seh, tiah an thluak in an ti nain cucu MAH nih mi hrut zang tlaih in aa tlai ai.

Thai PM Prayut, Thai Thli Ralkap Bawizik le Thai Ralkap chimhnak nawl ngeihtu vialte nih Kawlram Vanlawng Thai ram alut cu apoi nak aum lo. Kawidua kan si caah an ti dih. Ramdang ah siseh law, Upadi ning in siseh law, MiG-29 alut ri in Jet Fighter thlah colh ding asi. A buaibai tuk ah WWIII I chuak ding tiang in buaibai ding mi asi. Taiwan ahcun: Tuluk Jet Fighters nih ramri an lawnh paoh ah, Hmakhat te ah Taiwan Jet Fighters an zuang colh ve. Thai cozah cu dai tein an zuang ter ko. Rul le rul an ke an I hmuh caah le Kawidua an si, an ṭial aa khat caah asi ko.
MiG-29 kong hi a biapi ngai mi asi. Thai Ralkap cozah nih mipi Humhimnak an veng khawh lo Bantukin, kilven awk ah aa timh hrim lo mi kha Vawleipi an khuaruah har mi cu asi.

Thai mipi le Media ah a laar ngai mi Video cu: MiG -29 nih hin timh ciammam tein Thai ram ah a lut ti asi. Thai khua mi hna cu nunnak hmuh awk ah vansang au in an tlikzam cuahmah lio film asi. Thai thli lei ralveng tu hna cu an khul a nuar tuk; an karh tawi tuk ngamsam; MiG-29 a kir hnu pi ah Thai F-16 Jet Fighter cu duhsah tein a rak kai. Ralbawizik le PM a kemh mi Prayut rian bak asi nain aa theih ter lo bia asi ko. A luancia kum 8 ah Uknak hramhram in Chuttu pa asi bangin Rampi rumnak le mipi le bu kip ah tluangtlam nakin Mipi humhim awk kha aa hmaithlak bik ding asi. Mipi kha Ramdang ral in a veng khawh hna lo ahcun: santlainak a ngeih tilo mi pei asi lai cu.

Thai Ralkap nih an ukpennak zungzal hmun awk ah; le an tiram le Sipuazi hmun zungzal awk ah: Kawl Rallokap cu Thairam hmannak nawl a pek hna. Zeitintiah an ṭial aakhat mi ansi caah asi. Kawlram ah Civil War cu tuksapur tuk in asi cuahmah ti cu Vawleipi hngalh asi. Mipi hruainak in rampi a buai I, Rallokap le Mipi Raldoh cuahmah asi ti cu hngalh dih mi asi. Rallokap le Ralhrang cozah a dohtu hna tampi nunnak le thisen a luan cang ti hngalh ko bu ah Thai nih kei cu third Party kasi lai a ti ahcun; Rallokap kha a bawmh awk asi hrim lo. Ralhrang asi mi Kawl Rallokap cu an ram ah jet fighter zuangnak nawl pek timi cu Thai caah a him bak lo mi rian asi. Aherh lo ah, Thai le mipi Harnak khur thukpi ah tlak pi khawh tu asi. Thang Dun lu a kuai te lai.

Thai le Kawlram ramri thluan hi 2400 km asau (meng 1340). Nunnak le himnak hmuh duh ah Thailand ramri ah kawlmi tampi zam asi. Thai ram ah Rallokap Jet Fighters zuangnak nawl a pek caah: Thai Ramri Ralzam vialte Vanlawng in kahthat dih hna ti he aa khat mi asi. Sualnak ngeih lo mipi I dawrnak hmunhma aum ti bak lailo. MAH nih Kawlram mipi an kan thah mi hi that ri ko uh cihmih law law in tiah THAI nih a ti mi ko khi a lawh ngai. Thailand hi Ralzam mi zohkhen kilven nak ah minṭhat nak a hmuhco bal tu asi. Kawlram Rallokap he aa pehtlai zungzal ahcun: Vawleipi ah Thai limhang a zawr lai, an tlak cikcek te lai. Sipuazi tampi relcawk lo an sungh fawn lai.

Ralkap nih chakhri tlaih mi Thailand Hruaitu PM Prayut le MAH pehtlaihnak an ṭha tuk mi hi Vawleipi nih dantatnak, Phihkarhnak tu aa huah khawh mi Thai asi. Raldohnak in si loin, Biaruah nak le Humanitarian timi sifah bawmhnak in Kawlram damter a duh mi ASEAN caah Thai hi mit hnawm asi cang. Thailand mipi le ram caah uknak ka chut hna hi asi a ti mi Thai Ralkap cozah cu mi depde asi nak le MAH he an ṭial aa khat bak nak kha an kan hmuhsak mi asi. Kawlram Rallokap Bantukin Thailand ah uknak chut le mipi hlen in Democracy a deu kha, Ralkap phunghrampi in nenh in, Thai ah Ralkap uknak chansau seh timi hmuitinh he asi khawh mi asi.

MAH He An Ṭial Aakhat Mi Thailand PM Prayut Chan O Cha
An Ṭial Aakhat Mi Kawl Ralhrang Rallokap le Thai Ralkap (Myanmar, Thai militaries in cahoots)
Ukraine cu an ram innpa an Ukraineha dih. American le ram tam pi nih Hriamnam hman cawk lo le paisa tampi an bawmh here. Cucaah Vawlei Superpower 2nd Russia here we go. Suimilam 48 ah (Ni 2) ka tuk lai I ka lak lai tiah Russia Tamada Putin nih a ti nain, here tiang an lak kho lo. Ram Innpa I love you. It was Paucan Dohthlennak… See more