Khah Mah Ya 6 In SAC Ralkap Pakhat Cu KNDF Sinah A Lut

“Mizapi harnak a petu SAC ralhrang hna hi keimah pumpak hrim in doh ka duh hna caah CDM ka tuah. SAC kuttang ka um lio zong ah kei cu CDM ka tuah lai, PDF sinah ka lut lai i, nanmah kan doh hna lai, tiin ka hawile ka chimh hna,” tiah CDM tuahtu Saw Jun nih a chim.

Ka unu he bia kan i al caah, ralkap a lut balmi pa pakhat nih ralkap lut dingin a rak ka forh caah ka lut. Ka kum a no tuk rih caah zei tuah ding hmanh ka hngal lo. Thla 6 chung training kai a si lai i, kum 1 hrawng na um cun ralkap in na chuak kho ko lai, tiin a ka ti, tiah Saw Jun nih cun a chim.

CDM ralkap Saw Jun a hawile 2 cu ralram ah an thih pinah ralkap chungah biaknak zalon lonak a tam tuk kong zong a chim.

“Ralkap ka um chungah a phunphun in harnak kan tong. Biaknak zalon lonak zong a tam. Biakinn pumh ka duh zong ah an ka kalter duh lo, an rianṭuan ning le thil tuah ning ka duh lo caah ka zaam. Ka nu le ka pa ka chungkhar hna zong pehtlaihnak ka tuah rih hna lo,” tiah Saw Jun nih cun a chim.

PDF sin um cu lung tha a dam, ka za long. An mi biakchawnh zong a ṭha i, SAC ralkap bantuk in an kan hro lo. Thih nun tuak loin SAC ralkap pawl ka doh hna lai, tiah a chim chap.

Keng Tung Peng Ah Cycle Tluksualnak In SAC Ralbawi Pakhat A Thi: Shan ramkulh, nichuah lei Keng Tung(ကျိုင်းတုံ) peng ah SAC miakpi ralkap No. 390 phu in ralbawi Way Yan Soe Moe cu cycle tluksualnak in a thi, tiah tualchung mi hna nih an chim.

Kum 36 a simi Way Yan Soe Moe a ruak cu August 24 ah Keng Tung khua um mi bawmchantu phu nih an vui. Ralbawi Way Yan Soe Moe a chungkhar nih Keng Tung khua um mi bawmchantu phu cu ruak vui piak ding in bawmh an hal hna i, August 24 chun hnu sml 1:00 hrawng ah an vui, tiah theih a si. Credit : The Chin Post

Be the first to comment

Leave a Reply

Your email address will not be published.


*