Kayin Ramkulh Nithum Chung Kahdohnak Ah SAC Ralkap 100 Leng An Thi!

Kayin Ramkulh Nithum Chung Kahdohnak Ah SAC Ralkap 100 Leng An Thi! Kayin ramkulh Myawady thlanglei, Shweayemyine (ရွှေအေးမြိုင်) khua lei ah rallam a sialtu SAC ralkap hna le Venom tualchung hriamtlai phufonh hna cu nizaan July 30, zinglei suimilam 11:00 hrawng ahkhan fak ngai in an i kap i, cu kahdohnak ah cun SAC ralkap 80 hrawng an thi. Tualchung hriamtlai phufonh lei in ralkap 3 nunnak a liam ve, tiah VENOM phu nih cathanh an chuah.

SAC ralkap ṭaṭ-mah 44 kuttang um ralkap hna cu Wawlay (ဝေါလေ) peng in rallam an sial i, Saw Win Myint hruai mi VENOM phu le Aye Sae Wa hruai mi Lion phu nih an kahdoh hna. July 27 in July 30 tiang kahdohnak a chuak i, cu kahdohnak ah cun SAC ralkap 100 hrawng an thih lengah zeimawzat hliamhma an tuar. Tualchung hriamtlai phu lei in minung 4 nunnak a liam, tiah an cathanh ah cun an ṭial. Credit : The Chin Post

thawngpang dang relchap : Good News : PDF Sakhan Vialte Ralhrang A Kalpi Lengmangtu Kha An Thah Khawh Cang

Bago ramthen nitlak lei Okphu pengkulh ah a ummi Dalaan minthang taktak le kawl ralhrang nih an i bochan taktak mi inn 100 uktu cu tuchun July 31 ah khan Thayawaty PDF pawl nih an kah thah khawh cang tiah thawnpang theih asi.

Kawl ralhrang he hmunkhat ah i fonh in dalaan a ttuan pengmi Kanni khuate khuasa Ko Khin Sein cu tuzing suimilam 8 ah khan PDF nih an kah caah a hmun bakah a thi cawlh ko khah tiah khuami hna nih thanuam ngai in an chim.

“Ko Khin Sein hi PDF sakhan umnak vialte a thei tu asi, cun kawl ralhrang pawl cu lam a hruai hna i PDF sakhan umnak leiah hin a kalpi lengmang hna caah PDF chungin kawl ralhrang nih an tlaih mi hna le an thah mi hna hi an tlawm ti lo.

Cun kawl ralhrang nih inn 100 uknak nawl zong an pek mi asi caah khuami zong nih an tih taktak mi le an celh bak lo mi asi i cu caah PDF nih tuzing ah an kah thahnak hi asi” tiah Thayawaty PDF Tat-yin 2 nih cathanh an chuah hi asi.

A luancia July 9 lio zong ah khan Okphu pengkulh Gain Htaw Suh khuami inn 100 uktu Ko Tin Maung Lwin le a nupi zong PDF nih tha tein ralrinnak an pek ko hna nain ralhrang he an i bawm, dalaan an ttuan peng caah an rak thah cang hna.

Cun July 29 ah khan Okphu pengkulh thiamthiam Pepyin khua ah a ummi ralhrang nih khuabawi rian an pek i dalaan a ttuan caan zong sau taktak cang mi khuabawi zong Thayawaty PDF nih an rak thah, asinain kawl ralhrang nih an lih rumro in thawng an thanh ve i Motorcycle accident in a thi tiah an rak langhter ve.

Thayawaty PDF nih cun July thla chung lawngah dalaan khuabawi 3 an thah cang hna i hi hnu zong ah dalaan asi mi poh cu ralrin peknak le ngaihthiamnak um lo in kan fimtawl thluahmah rih hna lai tiah an langhter chap.