Kawl Ralhrang Nih Nu 18 Le Pa 12 Cu Kawlram Miphun Nan Si Lo An Ti Hna I An Tlaih Hna

Uthitpin Khuapi Ah Rammi Sinak Ngei Lo Mi Minung 30 Tlaih An Si!: Nihin July 22 ah Pago ramṭhen Pyay(ပြည်) pengkomh, Pantaung (ပန်တောင်) peng Uthitpin(ဥသျှစ်ပင်) ah, thil phorhnak mawṭaw ngan pakhat (truck) in phung ning loin a rak lut i rammi sinak a ngei lo mi minung 30 tlaih an si, tiah theih a si.

Mawṭaw cu Rakhine ramkulh lei in a ra i thingthei a phortu mawṭaw a si. A chung ah minung 30; pa 12 le nu 18 an um, tiah theih a si. “Thingthei a phortu mawṭaw chung ah an i thup i Uthitpin hlei checkgate an phak ah SAC ralkap le palik nih an tlaih hna. Atu cu palek sakhan ah an hren hna,” tiah palek sakhan pawngkam um mi pakhat nih a chim.

Rammi sinak ngeih lo ruangah tlaih a tong mi hna cu Rakhine rualkulh chaklei Maungtaw pengkomh in a ra mi an si i Malaysia ram lei kal aa tim mi an si, tiah theih a si. Tlaih a tong mi hna cu Uthitpin palek hna nih hlathlainak an tuah lio hna, tiah theih a si.

A luancia June 28 zong ah khan Pantaung peng Taungkok in Pyay lei ah a kal mi mawṭaw pakhat chung ah rammi sinak a ngei lomi mi 5 tlaih an rak si cang. Credit: The Chin Post

Be the first to comment

Leave a Reply

Your email address will not be published.


*