Karenni Palik Nih Nihin August ni 10 ah Thongtla Mi 7 An Thlah Hna

Karenni Palik Nih Nihin August ni 10 ah Thongtla Mi 7 An Thlah Hna

 

 10 August 2022 : Karenni miphun nih Dohthlennak an tuah kum 74 a tlin camtuak ah le ’88 buainak kum 34 a tlin camtuak ah Karenni peng palik nih thongtla mi 7 kan thlah hna, tiah cathanh an chuah. Karenni State Consultative Council (KSCC) hruainak in thongtla mi 7 cu minung hawi zawnruahnak he kan thlah hna, tiah Karenni peng palik nih cun an thanh.

Kan thlahmi hna cu fir ruang ah tlaih mi le rithaisii a tawngtham mi hna an si i, August 9 ah kan tlaihmi hna an si, tiah palik pakhat in ṭuanvo ngeitu pakhat nih a chim. A luancia July thla zong ahkhan Karenni palik nih thongtla 24 cu an rak thlah bal cang hna.

Karenni palik cu SAC nih nawlngeihnak an lak hnu in palik CDM a tuahtu hna nih an sermi a si. Karenni palik nih an tlaihmi hna hi minung 100 leng an si cang. Cu chung ah cun SAC ralkap sin thawngpetu, SAC uknak a cohlang i CDM a tuah duh lo mi, mifir le rithaisii a tawngtham mi hna zong an i tel, tiah theih a si. An tlaihmi hna tam deuh cu hmunkhat ah an chiah chung hna i an chungle he zong phone chonhnak nawl an pek ko hna, tiah theih a si.a rel tu nan cung ah kan i lawm

Be the first to comment

Leave a Reply

Your email address will not be published.


*