Kanpetlet Palik Sakhan In Palik Pakhat G3 Meithal He CDM A Tuah

Chin ramkulh, Kanpetlet Palik sakhan in Palik Pyih Sang Naung cu G3 meithal zuunkhat he June 23 ah CDF – Kanpetlet sin ah CDM a tuah i tangka Ting 60 laksawng an pek i a himnak hmun ah an kuat tiah CDF – Kanpetlet nih cathanh an chuah.

Karen ramkulh, Phalu – Wolay hmunhma ah rallam a sial mi Brigade 44, Khah- Mah- Yiah 207 Battalion in ralbawi changtu KyawNiangSoe cu Khah- Mah- Yiah 207 Battalion in Machine Gun (Seh meithal) a tlai tu a si i SAC ralkap 8 cu CDM tuah ding ah sakhan in kan zaam i ramlak ah 7 cu minung kan i then caah ka hmu kho ti hna lo tiah Salween Press media nih a langhter. Credit : The Chin Post

thawngpang dang relchap : Apoi Tuk E, Kawl Ralhrang Nih Sianginn Hngakchia 4 An Tlaih Hna Caah Hringtu Nu le pa Cu

Pyay Ah Siangngakchia 4 Tlaih An Tong! Pago ramṭhen Pyay (ပြည်) ah kumtlinglo siangngakchia pa 4 cu July 19 ah SAC ralkap nih an tlaih hna, tiah Pyay khuami nih an chim. Pyay khuapi Sinsuh(ဆင်စု) sang ah siangngakchia pakhat le Pyont Hla Theinkone(ပွင့်လှသိမ်ကုန်း) sang siangngakchia 3 cu ni 19 zaanlei sang ah, SAC ralkap thazaang tampi an ra i an tlaih hna, tiah khuami pakhat nih RFA ah a chim.

Taang 7 tiang Sianginn a kai i aa din mi an si i kum 15,16 hrawng an si. An 4 in “Kaung For You” private sianginn i a kai mi an si caah SAC ralkap nih an tlaih hna. Cupinah Pyay khuachung i General Aung San statue pawng rawl dawr pakhat ah siangngakchia pakhat zong zaan ah an tlaih, tiah tualchung mi sin in theih a si.

Hi kong he pehtlai in SAC lei nih thawng an thanh mi a um rih lo. July 13 in 18 tiang (ni ruk chung) ah “Kuang For You” sianginn a dirhtu saya U Kaung Theih Soe(ဦးကောင်းသိုက်စိုး) le cachimtu minung 15 cu SAC ralkap nih an tlaih hna, tiah All Myanmar Federation of Teachers in chungtel pakhat nih RFA ah a chim.

Be the first to comment

Leave a Reply

Your email address will not be published.


*