Kalay Peng Kahdohnak Ah SAC Ralkap 10 Leng An Thi

Kalay peng SAC ralkap le PDF July 12 kahdohnak ah SAC ralkap 10 leng an thi tiah theih a si. Tuzing zong ah SAC ralkap hna cu bomb kan puah hna tiah mizapi vengtu ralkap phu nih an chim. Yaw,Kalay le Chinram ah July 11 in kahdohnak pehzulh in a chuak.

July 11 kahdohnak ah mizapi vengtu ralkap pakhat hliam a tuar. July 12 kahdohnak ah SAC ralkap 10 leng an thi tiah Kalay PDF battalion 1 i ralkap pakhat a nunnak liam. Kahdohnak pehzulh in a um caah meithal kuan kan chambau tiah PDF hna nih an chim. Credit : The Chin Post

thawngpang dang relchap : Mandalay- Monyua Lampi Ah Khualtlawng Phur Mawtaw Bomb Nih Puahhnawh, Pakhat Thi, 12 Hliam An Tuar

Sagaing ramțhen, Mandalay – Monyua lampi Mengtung 73 kam ah July 11 zinglei ah bomb 4 pehzulh in a puak i khualtlawng mawtaw pakhat a rawk, pakhat a thi, 12 hliam an tuar. Hliam a tuarmi hna chungah pa pakhat cu siizung a phanh ah a nunnak liam tiah khuami hna nih an chim.

Monyua pengkomh KhinMon khua kam ah puahkeh nak cu a cang i hliam tuarmi hna cu sii inn ah chiahdih an si tia khuami pakhat nih RFA ah a chim. ” Khualtlawng tam deuh cu an kut, ke, an liang, an hmai hna ah hliam an tuar. Kum 30 leng hrawng a si mi pa pakhat tu cu nizan zaan ah sii inn ah a nunnak a liam . Mawtaw mawngtu le a bawmtu hna cu hliamfak n tuar lem lo. Kapkhat lei ah bomb apuah ah hin mawtaw a lai zan ah si i a hnu he hmai he a thu mi pohpoh a hliam dih hna. Mawtaw min cu Shwe Mam Thalla a si.

A puakmi bomb cu kutser mi bomb a si tiah khuami hna sin in theih a si. Cu puahkeh nak cu zei bantuk phu nih an tuah ti kan fianter kho rih lo. Hliam tuarmi khualtlawng hna cu ChaungU Siiinn pi ah si thlop an si lio a si tiah an chim.

SAC ralkap nih hramhram nawlngeih nak a lak hnu kumkhat leng chungah hin Yangon- Mandalay, Mandalay – Myintgyina, Mandalay – Monyua tibantuk lampi cungah tu le tu puahkeh nak hna a um caah khualtlang mi an thin a phang. Credit : The Chin Post

Be the first to comment

Leave a Reply

Your email address will not be published.


*