Kachin ramkulh le Sagaing ramṭhen ramri, KIA Brigade 8 hmunram ah SAC ralkap nih zan sml 10:30 ah Jet Fighter 2 in bomb an thlak, tiah KIA nih an langhter.
Nizan August 24 zan sml 10:20 ah Mandalay ramṭhen, Tatar U(တံတားဦး) in Jet Fighter 2 an zuang i, 10:30 ah KIA Brigade 8 hmunram ah bomb an thlak, tiah theih a si.
“Zan sml 10:30 ah KIA Brigade 8 hmunram, Battalion 35 an umnak cu SAC Ralkap Jet Fighter YAK 130 nih, bomb lung 9 an thlak. An thlaknak hmun hi Kachin ramkulh le Sagaing ramṭhen ramri ah a si,” tiah KIA nih an langhter.
August 23 zan sml 11:00 hrawng ah Sagaing ramṭhen, Kanbalu le Kawlin peng khuate ah SAC ralkap nih Jet Fighter in bomb an rak thlak caah ngakchia le nau pawi lio nu telh in tualchung mi 4 an nunnak a rak liam cang.
Leave a Reply