July Thlachung KNU Brigade 5 Hmunram Kahdohnak Ah SAC Ralkap An Thi Mi Hna Cu

July Thlachung KNU Brigade 5 Hmunram Kahdohnak Ah SAC Ralkap 88 An Thi! KNU brigade 5 hmunram ah a luancia July thlachung ahkhan kahdohnak voi 110 a chuak i, SAC ralkap le Phyosawhti 88 an thi, minung 57 hliam an tuar, tiah KNU brigade 5 nih nihin August 3 ah cathanh an chuah. A thi mi minung 88 lak ah cun SAC Ralbawi 1 aa tel i hliamtuar mi 57 lak ah commander 2 an i tel, tiah an langhter.

SAC ralkap hna thilri a phortu motor pakhat cu kan hrawh i, thilphortu ah hman mi rang 8 an thi. Kahdohnak ah cun KNU brigade 5 in nunnak a liammi an um lo nain minung 9 hliam an tuar. SAC ralkap hriamngan kahnak ruangah sualnak ngei lo 2 an nunnak a liam i, minung 5 hliam an tuar, tiah an cathanh ah cun an langhter. Credit : The Chin Post