Insein Khuachung Lampi Ah Min Aung Hlaing Mui Deu In Ralkap Uk Duhlonak An Langhter An Ti Mi Cu

Insein Khuachung Lampi Ah Min Aung Hlaing Mui Deu In Ralkap Uk Duhlonak An Langhter An Ti Mi Cu

Yangon-Insein khualak lampi, Aung Theikdi lam Traffic ah Min Aung Hlaing he aa lomi in mipa an ser i, ralkap angki leng an hrukter. Cun, ralkap uk duhlonak an langhter i, SAC ralkap nih an kawl hna. Lam zong an kham dih, tiah theih a si.

Nihin August 19 zing sml 11:00 hrawng ah ralkap uk duhlonak an langhter. Min Aung Hlaing he aa loin mipa an ser i, ralkap angki an hrukter mi cu lam lai ah an chiah. Insein lam le Aung Theikdi lam hrawng cu SAC ralkap nih an kham dih. Ralkap uk duhlonak a langhtertu hna cu an kawl cuahmah hna, tiah theih a si.

Mayankone peng Aung Theikdi lam pawngkam ah a ummi, Vice President hlun Ralbawi hlun, Thi Ha Thura Tin Aung Myint Oo a inn pawng ah August 17 zanlei sang ah bomb a puah caah cu pawngkam cawnghter ding in ralkap an chiah hna i, nihin August 19 ah ralkap uk duhlonak cu an langhter, tiah theih a si. Credit : The Chin Post

Be the first to comment

Leave a Reply

Your email address will not be published.


*