Good News : Hriamnam He CDM A Tuahtu Palik Pakhat Cu Phaisa Kyats 7,000,000 Laksawng Ah An Pek

Hriamnam He CDM A Tuahtu Palik Pakhat Cu Phaisa Kyats 7,000,000 Laksawng Ah An Pek!
===============================
Magwe ramṭhen, Yaw palik sakhaan in palik pakhat Ngan Min (ညာဏ်မင်း) cu nizaan August 31 ahkhan Yaw hrambunh The Youth Force(Saw& kyaukhtu) sin ah a hriamnam he CDM a tuah caah The Youth Force nih kyats 7,000,000 laksawng ah an pek, tiah theih a si.

Ngan Min nih cun bomb lung 4, kuan 300, G3 1 le kuanbawm 2 he CDM a tuah tiah theih a si. Ngan Min cu 2017 kum in palik rian a rak ṭuan mi a si. Credit : The Chin Post

thawngpang dang relchap : Hticheik Ah SAC Ralkap Bomb Puahh An Ton Caah Ralkap 10 Hrawng An Thi, 6 Hliamhma Fak An Pu

Sagaing ramṭhen, Hticheik peng ah rallam a sialmi SAC ralkap pawl cu nihin September 1 zing ah PDF nih bomb voi hnih an puahhnawh hna, tiah theih a si. Hticheik peng, Aung Tharyar(အောင်သာယာ) hmun pawng ah nihin September 1 zing sml 7:30 hrawng le sml 8:00 hrawng ah voi khat an puah i, cu hnu tlawmpal ah voikhat kan puahhnawh hna, tiah Special 9-HPDF ṭuanvo ngeitu nih a chim.

“A voikhatnak cu Aung Tharyar hmun tlang par an phanh hlan ah kan puahhnawh hna i, SAC ralkap 5 hrawng an thi. Cu hnuah SAC ralkap 100 hranwg cu Aung Tharyar hmun tlang par an phanh ah bomb kan puahhnawh ṭhan hna i, tam ngai an thi,” tiah a chim chap.

Cu Bomb puahnak ah cun SAC ralkap 10 hrawng an thi i, 6 hliamhma fak an pu, tiah ralhmai kalmi PDF nih an chim. SAC ralkap pawl cu Mandalay ramṭhen, Tapaihcin(သပိတ်ကျင်း) peng ah umhmun khuarmi No. 13 an si i, Takaung khua lei in Hticheik lei ah rallam a sialmi an si, tiah theih a si.

A luancia August 22 lio zong ah Hticheik peng Yephyo Lwin khua ah rallam a sialmi SAC ralkap pawl cu Special 9-HPDF nih an rak kah hna caah ralkap 15 hrawng an tak thi. Credit : The Chin Post

Be the first to comment

Leave a Reply

Your email address will not be published.


*