Good News : Dalaan Tihnung Minthang Pahnih Cu An Fimtawl Khawh Ko Cang Hna Hih

Tanintharyi Region, Kyunsuh pengkulh ah ah aum mi Kawl ralhrang sinah suimilam 24 chung thawngthanh nak a tuah tawntu hna dalaan tihnung 2 cu kan thah khawh cang hna tiah PDF nih thawngthanh nak an tuah.

Dalaan tihnung minthang pahnih hna cu July 1 ah khan ah kah thah hna i zinglei ah pakhat an kah thah, zaanlei ah pakhat kan kah thah hna nain security kong he pehtlai in asi caah tuchun lawng ah thawngthanh nak fiang tein kan hun tuah hi asi tiah PDF nih cun an langhter.

Dalaan an kah thah mi hna lakah pakhat hi Tanintharyi Region, Mawh Taung khuapi ahmat 6 sang/veng ah aum mi asi i dalaan vialte lakah tihnung bik mi U Aung Lwin tiah hngalh mi asi. U Aung Lwin hi Kawl ralhrang he kum zeimawzat chung cu hmunkhat ah rian atuan bal cang mi zong asi pinah ralhrang nih uknak an lak hnuin dalaan a ttuan mi zong asi i voitampi ralrin pek asi hnuah kan kah thah mi asi tiah PDF nih cun an langhter.

Cun pakhat deuh hi Tanintharyi Region, Lay Thit khua ah a ummi U Ye Min Hein asi i Pyusawttee chungtel zong asi pin ah Lay Thit khua kahdohnak le inn khanghnak i an hruaitu le kawl ralhrang lamhruai tu hna asi tiah fiang tein an langhter.

U Ye Min Hein cu Lay Thit khua inn khaangtu hna lakah an hruaitu bik zong asi, cun khuami thilri zong afir i mipi thahnawnnak ah kawl ralhrang a hruaitu hna le mipi an zaamnak hmunhma tiang a doitu hna asi caah kan thah mi asi tiah PDF nih cun fiang tein an langhter.

Be the first to comment

Leave a Reply

Your email address will not be published.


*