Good News Bak Si Hih : Min Aung Hlaing Nih Spy Ah A Thlahmi An Tlaih

Kawl ralhrang nih dalaan le Spy ah an thlahmi sachia pate an tlaih khawh cang hih zeitin dah tuah hna seh ti na duh. Karenni ramkulh chungah anmah miphun bantuk in a ummi Kawl ralhrang nih Spy (mi ngiatlai tu) Khah-Lah-Yah-1 chungtel ralhrang pakhat cu KNDF nih an tlaih khawh cang tiah thawngthanh nak an tuah.

Kerenni hriamtlai phu KNDF ralkap le PDF pawl cawlcangh ning le an hmunhma hlathlai dingin Kawl ralhrang nih Spy an thlah mi cu KNDF le PDF nih an tlaih khawh tiah Khit Thit Media nih a langhter.

Kawl ralhrang nih Spy an thlahmi cu hmanthlak nak Camera le a thilri pawl he Kerenni hriamtlai Tatyin 2 le LKPDF fonh nih an hlatthlai hnuah an tlaih khawh hi asi i tuzing ah khan Kerenni ramthen police sinah an kuat chin hna tiah KNDF Tatyin 2 nih cun thawng thanhnak an tuah hi asi.

Kawl ralhrang nih Spy le dalaan ah an thlahmi pawl an tlaihmi hna hi cu thongthlak sawhsawh dinghmanh an si lo, fak taktak in hrem hnuah thah bak ve hna ding an si tiah cheukhat nih cun Comment zongah an rak langhter cio hna.

thawngpang dang relchap : Thailand Ah Motor Khawndennak In A Thimi Chin mi 3 Cu Nihin ah Mae Sot ah An Vui Hna
==============================
Malaysia ah kal aa timmi Myanmar mi hna cuannak mawṭaw cu Thailand ram ah August 17 ahkhan aa let i, Chin mi pa 3 le Rakhine mi pa pakhat cu an nunnak a rak liam.
Nunnak a liammi hna ruak cu Myanmar ram ah kuat a ngah lo caah, Myanmar he aa naihnak Mae Sok(မဲဆောက်) Khrihfa thlanhmun ah Mingalar khrihfa bu nih ṭuanvo lak in nihin August 28 ah ruak vuinak an tuah, tiah theih a si.

Nunnak a liammi hna cu, Kalaymyo Indaikung sang ummi fa pakhat ngei; Pu Hu Lian (kum 26), Kalaymyo peng General Administration Department ah ṭuan i CDM a tuahtu Tanpho(သံဖို) khuami fa pahnih ngei Pu Za Nei Khup(kum 30) le Yangon ummi Ko Kyaw Lin Naing(kum 27) hna an si. Rakhine pa pakhat ruak tu cu kawl biaknak phungning in mei khanghnak in ruak thlahnak an tuah lai, tiah theih a si.

Nunnak a liammi hna he hmunkhat ah motor a cuangṭi mi hna hi minung 33 an si i, thingkung an i pah sual, tiah theih a si. Khawndennak an tonka ah cun minung 3 cu an thi colh i, pakhat cu sizung a phanh hnu ah a nunnak a liam ve. Hliam faak a pu lo mi poh cu an zaam dih, tiah theih a si. Credit : The Chin Post