Falam Peng Ah SAC Ralkap Helicopter Voi 6 Tiang A Ṭum + Thawngpang Dang

Chin ramkulh Falam peng, Falam le Rihkhawdar ah nihin August 11, zinglei suimilam 7:00 in zaanlei suimilam 4:00 tiang ah SAC ralkap helicopter voi 6 tiang a ṭum, tiah khuami nih an chim.

Rihkhawdar no.2 sang SAC ralkap sakhan ah zinglei suimilam 7:00 in SAC ralkap helicopter voi 3 tiang a ṭum. Cun, zaanlei suimilam 3:00 hrawng in Falam Vankau tlang ah helicopter voi 3 tiang a ṭum, tiah theih a si.

Nizaan August 10, India – Myanmar ramri Rikhawdar ah SAC ralkap le Chin tualchung hriamtlai phu kar kahdohnak a chuak i, SAC ralkap le ṭaṭ-yin-hmu pakhat telh in ralkap 5 an thi, 4 nih CDM an tuah. SAC ralkap helicopter nih hin ralkap thazaang le hriam thazaang chap in le miruak a thiar a si kho, tiah khuami pakhat nih a chim.

Mandalay Ramkulh, Maharaungmay Peng Kahdohnak Ah SAC Ralkap 2 An Thi: Mandalay, Maharaungmay (မဟာအောင်မြေ) peng, Dahattaw(ဒဟက်တော) phungki sianginn ah umhmun khuarmi SAC ralkap hna cu PDF nih bomb an puahhnawh hna caah SAC ralkap 2 an thi, pakhat hliamhma a tuar, tiah MDY-PDF nih nihin August 11 ah an thanh.

Nizaan August 10, zinglei suimilam 9:10 hrawng ah Maharaungmay peng, Dahattaw (ဒဟက်တော) phungki singinn ah umhmun khuarmi SAC ralkap hna cu bomb lungkhat puahhnawh in doh an si i, kanmah lei cu hliamhma tuar um lo in hnu kan tolh kho, tiahan thanh.

“Mipi ralkap nih SAC ralkap kan dohnak ah harnak tampi kan tong i, nunnak tiang thap in kan doh lio ah, a herh lo ah nuamnak tuah hi kan hrialpiak uh tiah kan in nawl hna,” tiah MDY-PDF nih an langhter. Credit : The Chin Post

Be the first to comment

Leave a Reply

Your email address will not be published.


*