Breaking: SAC Ralkap Lei In Uktu Bawi Pakhat Cu Mandalay Ah An Thah

Breaking: SAC Ralkap Lei In Uktu Bawi Pakhat Cu Mandalay Ah An Thah

SAC ralkap chung in uktu bawi pakhat a si vemi cu Mandalay khuapi, Central Myanmar ah thah a tong tiah theih a si. Hi ralkap bawi pakhat hi Mandalay khuapi ah siinak a saang ngaingaimi bawi pakhat a si tiah Chindwin News Agency nih cun a langhter.

Atubantukin thah a tongmi SAC ralkap bawi pakhat hi a min ah Mr Aung Kyaw San a si tiah theih a si. Mandalay City Municipality Department ah hin a rian tlaihmi a saang ngai tiah theih a si. A tu i thah a ton hi Mandalay in Pyin Oo Lwin lei lamthluan i Patheinkyi khuate highway ah a si. Nizaan August 22 ah khan tubantukin thawngpang an theih hi a si i aa timhnak hmun a phaak hlan lam lai ah an thah hi a si tiah Chindwin nih cun a langhter. Tualchung media tthenkhat hna nih an langhterning ahcun Mr Aung Kyaw San hi thawngpang an theih le cangka Siizung ah an tehpi colh nain siizung phaak hlan ah a thih hi a si.

Pa pakhat zong, a min ah Soe Hnin tiah theih a si i a umnak inn 134 lam le 61, 63 lam i a um mi Pyikhyitakhon township ah an thah ve tiah nizaan 22 August ah khan an thawngfehter a si. Atubantuk in mithattu hi mizei dah an si timi zeihmanh fehternak a um rih lo nain SAC ralkap nih cun Mandalay region chung um tualchung hriamtlai phu an si lai tiah an zumh. Hi hna pahnih thahnak konghe pehtlai in mizeibantuk phu hmanh nih cathanh an chuah rih lo.

Be the first to comment

Leave a Reply

Your email address will not be published.


*