Breaking News : Ralhrang Nih Malaysia Kalding Mining 25 An Tlaih Hna

Ngapali pawngkam Malaysia ram ah phungning lo in alut mi Ruhingya minung 25 an tleih hna ii 20 leng an tlau. Yakhai pengkulh Mawngtaw khualipi in Malaysia ram ah phung ning lo in a kal mi Rohingya 50 hrawng an si ii minung 25 cu Ngapili pawng ah nihin August 19 zaanlei ah an tleih hna nain a dang 20 leng an tlau rih tiah theih a si.

An tleih khawh mi hna ah hin pa 21 le nu 4 an si ii mah hna cu Ngapili pawngkam Kaw tlang ramtang ah an i dor lio ah an tleih hna tiah Ngapili Police sakhan he aa neihniam mi pa pakhat nih a chim.

“Khuami pakhat nih rambur lak ah an thutdir lio kha a hmuh ii police sakhan ah thawng a thanh. Ralkap pawl nih mawtor in an hruai hna. An mah an chim ning cun Mawngtaw in an hruai mi tilawng ngeitu nih atu cu ti a lian ii hikaa hin um rih uh tiah a ti hna ii a kal tak hna a dang ataang rih mi hna hi cu an kawl lio hna si ii an hmuh rih lo “tiah a chim.

Atu ii an tleih mi hna 25 hi Tanhtwe Police sakhan ah kal pi hna in dan an tat le tat hna lo a fiang rih lo tiah a cung lei bawi pawl nih an chim. A luan cia August 6 zong ah khan Malaysia ah kal ding in (ပွဲစား)tiah i chim in a rak raa mi Rohingya 8 cu Kuah ramkulh ah an tleih hna tiah council ralhrang thawng thanh nak Yakhai Daily ah thawng an thanh.

Cu ban tuk he aalo mi August 2 zong ah khan Kuah ramkulh Shiaphyokun khua pawng ii mawtor lam cung ah hma le rung he a thi mi Rohingya nu pakhat le tadihmeh(သတိမေ့) mi hngak chia pakhat hna cu ralkap pawl nih an hmuh hna tiah theih a si.

Be the first to comment

Leave a Reply

Your email address will not be published.


*