Apoi Taktak Si : PDF Ralkap 6 An Tlaih Hna Pinah An Sakhan Vialte An Khangh Piak Dih Hna

Phakanh pawng, Mah Mung khua ah a ummi PDF sakhan cu nizaan zaantim suimilam 11 hrawng ah khan Kawl ralhrang nih an luhhnawh hna i PDF chungtel 6 an tlaih hna pinah PDF sakhan cu an khangh piak dihhna tiah thawngpang theih asi.

Dalaan thawngpang peknak ruangah nizaan August 26, zaan suimilam 11 hrawngah khan Kawl ralhrang thazaang 80 hrawng nih PDF sakhan cu an luhhnawh hna caah PDF chungtel 6 an tlaih khawh hna hi asi tiah khuami pakhat nih cun The 74 Media sinah a chim hi asi.

“Kawl ralhrang pawl hi lampi, mawtaw lam in an ra hna lo, dalaan nih tha tukin thawngthanh nak a rak tuah mi hna an si caah tiva rek an rak hrawn. Cun thingchung in an rak ra hna, cu ruangah PDF chungtel minung 6 an tlaih khawh hna pinah an sakhan vialte an khanghpiak dih hna nak hi asi” tiah khuami pakhat nih cun a chim hi asi.

Cun kawl ralhrang nih an tlaihmi hna PDF 6 cu khua zeilei ah dah an kalpi hna, zeitin dah an tuah hna ti le an nungdam maw timi kong zeihmanh theih a um rih lo caah chungkhar le khuami hna zong lungrethei in an um ko hna.

Be the first to comment

Leave a Reply

Your email address will not be published.


*