Kanh Ba Lu-Kawlin-Cunhlah khuapi i kah doh nak ah ralhrang 40 leng an thi ii Aung Chian Taa-Kungsii khuapawl cu ralhrang nih an luh hnawh hna ii inn 132 mei in an khangh
Sitgaing pengkulh Kanhbalu-Kawlin-Cunhlah ramkulh Awngchiantaa khua pawngkam August 23 ah ii kah doh nak ruang ah ralhrang 40 leng an thih hnu ah Aungchiantaa khua le Kungsii khua pawl cu ralhrang nih an luh hnawh hna ii an hrawh tiah khuami thawng thanh tu sin in theih a si.
August 24 zinglei suimilam 7 le cheu ah Kanhbalu-Kawlin ramkulh Aungchianta khua cu ralhrang nih luh hnawh in mei in an khangh tikah Awngchianta khua inn 75 chung ah 73 a kang|sianginn pawl zong a kangh pin ah Facang(rawl)zong pung thong leng an sung tiah thawng theih a si.
Cu pin ah August 26 zing lei suimilam 7 hraawng ah Cunhlah pengkulh ni tlak lei ii Kungsii khua cu ralhrang nih mei in an khangh ii Kungsii khua in inn 42 le Kungsii khua laicer ah inn 17 a zaa te in inn 59 a kang tiah theih a si.
August 23 Kanhbalu-Kawlyn-Cunhlah pengkulh pathum Awngchiantaa khua ah kah doh nak a chuak ii Ral bawi 2 le Bawi No 1 a nung in an tleih hna|ralhrang 40 leng an thi ii hriamnaam 22 le kuan zeen phun tam pi an lak khawh Kanhbalu pengkulh Tat yin-2(ပြန်ကြားရေ)rian ngei tu Bu Yawng Ni nih Yangon Khat thawng thanh nak ah a chim.
thawngpang dang relchap : Gangaw Peng Mauk Khua le Thaehlaw Khua Cu SAC Ralkap Nih An Khangh Leng Ah Khuami 2 An Thah Hna
Magway ramṭhen, Gangaw peng, Thaehlaw(ထယ်လှော်) khua inn 14 le cycle 10 cu August 27 ah SAC ralkap nih an khanghpiak hna, tiah theih a si. A luancia August 25, chunhnu zong ah khan Thaehlaw(ထယ်လှော်) khua nitlak lei ah SAC ralkap le tualchung hriamtlai phu kar kahdohnak a rak chuak. SAC ralkap pawl cu August 26 ah Thaehlaw(ထယ်လှော်) khua ah lut in umhmun an khuar, tiah theih a si.
SAC ralkap pawl nih khua an chuahtak hlan ah inn 14 leng an khangpiak hna i, motor 1, caw 2 le vok 1 zong an kaang. Cu SAC ralkap hna nih cun nihin August 28 ah Thaehlaw(ထယ်လှော်) khua pawng Mauk(မောက်) khua cu an khangh ṭhan, tiah theih a si.
Mauk(မောက်) khua cu August 28 zinglei ah an khangh. Cu hnu ah, khuami 2 cu an tlaih hna i an thah hna, tiah tualchung mi nih an chim. SAC ralkap pawl cu August 27 ahkhan Mauk(မောက်) khua ah an lut i, nihin August 28 ah inn 24 an khangh. Chiti pung 3,000 hrawng zong a kaang i, khuami 2 zong an thah hna, tiah theih a si.
Mauk(မောက်) khua cu inn 800 hrawng umnak khua a si i, khuachung ah tualchung hriamtlai phu hna le YDF battalion 1, 2, 3, 4 hna nih hmunhma zohfelnak an tuah. Cuka khua pawng khua panga in mipi hna cu a himnak hmun ah an zaam hna, tiah theih a si. Credit : The Chin Post
Leave a Reply