A Poi Hringhran Ko Mu : Hriamnam Cawknak Ding A Sin A Phak Bak In A Tlau I An Pehtlai Kho Tilo

SAC ralhrang dohnak ding caah hriamnam cawk nak ding timi phaisa Sing 100 leng cu lo diam in ai zaam pi tiah theih a si. FLA Mandalay in ttuanvoi ngeitu pakhat Man Moe Kyo timi pa nih hriamnam cawknak ding timi phaisa Sing 100 renglo cu lo diam in a zaam pi caah thangchiatnak cathanh Freeland Attack Force nih an chuah hnawh.

Hriamnam cawknak kong ah ttuanvo a la tu ding ah tiin Hniang 4 ah khan Freeland Attack Force (FLA) Mandalay in Man Moe Kyo cu ttuanvo pek a rak si. Asinain Hniang 16 ni ahcun a zei ti hmanh in pehtlaih awk a ttha ti lo. SAC ralhrang nih hlah maw an tlaih tiah an hlat tikah an tlai fawn lo tiah an langhter.

Man Moe Kyo nih hin Pistol man sing 40, FLA phu min phaisa a khawlh mi ( a zat theih a si rih lo), an hawile Local PDF Watlett hriamnam man Sing 63, kuanfang man Sing 3 cu hrokhrol in a lak in a zaam pi tiah an langhter.

Hi bantuk thil ruangah ttuanvo ngeitu Man Moe Kyo nih thilsining a rak fian ter lo ahcun kan kawl lai i kan hmuh cun fak piin sual phawt a si lai tiah Freeland Attack Force (FLA) nih an langhter. Freeland Attack Force hi Yangon le Mandalay ah a cawlcang mi phu ralfir in SAC ralhrang pawl a do cuahmah tu phu an si.