A Fak Tuk Hringhran E : Nizaan tihni i Malaysia ah Hlei cung in a zuang mi hna pafa thum ruak an vui cang hna

Nizaan tihni i Malaysia ah Hlei cung in a zuang mi hna pafa thum ruak an vui cang hna
——–

Nizaan tihni Hniang 2 ni ah Malaysia ah a um mi Chinmi pafathum hna cu Hlei cung in an zuan caah an pathum tein an nunnak a liam.

An pa cem nih hin a fale pathum cu Hlei sang cung in a til hna i amah zong a zuang colh ve. A fale lak ah pa pakhat kum 3 mi tucu a dam i tu hi Sizung ah thlop cuahmah lio a si.

A nunnak a liam mi pafa thum hna cu tuchun Hnaing 4 ni ah ttha tein vui liam an si. #suimilammedia

thawngpang dang relchap : Good News : Sagaing Ramṭhen Chung Kahdohnak Ah SAC Ralkap 35 An Thi

Sagaing Ramṭhen Chung Kahdohnak Ah SAC Ralkap 35 An Thi: Nihin August 4 ah Sagaing ramṭhen, Ayardaw peng le Myinmu peng aa tonnak Khuatkhun(ခွက်ခွင်း) khua pawng ah rallam a sialtu SAC ralkap 64 cu tualchung hriamtlai phu nih an kahdoh hna caah SAC ralkap 15 an thi, tiah Myinchain(မြင်းခြံ) Zero pah-kah-phah hruaitu Ko That Kyi nih a chim.

Sagaing ramṭhen chung ṭhiam, Taze(တန့်ဆည်) peng Byaitkyi(ဗျက်ကြီး) khua ah umhmun a khuarmi SAC ralkap le pyusawhṭi phufonh cu August 4 zinglei suimilam 1:00 hrawng ah tualchung hriamtlai phufonh nih an kahdoh hna caah SAC ralkap 10 an thi, tiah tualchung hriamtlai phu nih an thanh.

“SAC ralkap le pyusawhṭi hna cu umhmun an khuarnak hmun in hmundang ah an zaam. A thimi ruak cu Leeng 2 in an thiar hna i, 10 nak tlawmlo an thi lai,” tiah khuami nih an chim.

SAC ralkap le pyusawhṭi phufonh nih umhmun an khuarnak sakhan cu Taze PDF battalion 6, battalion 8, battalion 10, battalion 16, KPK, TSR, Taze Tiger, PRLF, PLA, pah-kah-phah le pah-lah-phah phufonh nih an doh hna. SAC ralkap nih an kaltakmi 5.56 kuan 100 le bomb lung khat an lak, tiah theih a si.

SAC ralkap nih umhmun an khuarnak Byaitkyi(ဗျက်ကြီး) khuami hna cu SAC ralkap le pyusawhṭi an kir ṭhan lai an phan ruangah khuami dihlak in an zaam dih, tiah theih a si.

Aung San Kwin Thilkuatnak Gate Cu SAC Ralkap Nih Caan Rikhiah Um Lo In An Kharter Hna!: Yangon, Aung San Kwin(အောင်ဆန်းကွင်း) thilkuatnak gate pawl cu SAC ralkap nih nihin August 4 in, caan rikhiah um lo in an kharter hna, tiah gate rianṭuantu hna sin in theih a si.

Aung San Kwin(အောင်ဆန်းကွင်း) gate khar a si caah thil phak caan ah nan thil a phak lo ah cun, kan theithiam u, tiah gate rianṭuantu cheukhat nih social media in theihternak le nawlnak ca an tar.

A luancia June thla chung zong ah Yangon, Aung San Kwin(အောင်ဆန်းကွင်း) gate cu ni 3 chung SAC ralkap nih an rak kharter bal cang hna.

Tu tan ah cun zeitik ah dah gate hon ṭhan a si lai theih a si rih lo, tiah gate rianṭuantu cheukhat nih an chim. Yangon Aung San Kwin(အောင်ဆန်းကွင်း) gate cu pengkulh hmunkip ah eiding le thilri tampi kuatnak ah hmanmi a si. Credit : The Chin Post

Be the first to comment

Leave a Reply

Your email address will not be published.


*