CDM Tuah Siloin Chunglei Buainak Ruang Ah Ralkap In A Zaam Mi An Tam, Tiah Ralkap CDMer Pakhat Nih A Chim

CDM Tuah Siloin Chunglei Buainak Ruang Ah

Ralkap In A Zaam Mi An Tam, Tiah Ralkap

CDMer Pakhat Nih A Chim

SAC ralkap hna chung in mipi sin ah i fonh in CDM cawlcanghnak tuah siloin, a ruang tampi ruang ah SAC ralkap sinak kaltak in a zammi cu hlan nakin an tam, tiah SAC ralkap he naihniam in ummi hna nih an chim. SAC ralkap nih uknak an lak hnuah, atu bantukin a zammi cu an tam i, SAC nih an kuttang ummi ralkap hna cung ah hnekchihnak an tuah ruang ah le phaisa harsat ruang ah a zammi an tam, tiah theih a si.

SAC kuttang um ralkap hna cu a ruang tampi ruang ah an ralkap sinak cu kaltak in a thli in a zammi an karh ngai, tiah June thla chung ah CDM a tuahtu ralkap pakhat nih a chim.

“SAC kuttang in ka chuah hlan, Meiktila ah thla 3 training kan kai lio ah, training in a zaam mi hi nitin ngawt in an rak um. CDM tuah siloin, Minung 3/4 tiin a thli in an rak zam i kan kawl tawn hna,” tiah June thla ah khan CDM a tuahtu Myait battalion 501 in Ko Aung Min Htat nih a chim.

“A tlizammi lak ah hin ralkap sawhsawh lawng siloin ralbawi zong an i tel i, an tam ngai cang. SAC ralkap nih nawlngeihnak an lak hnu ah ralkap pawl cu kahdohnak i kal peng a si caah re a thei tuk. Thlahlawh le eidin thilman ah harnak an tong, dinhcaan lak in mah umnak khua ah tlun a ngah lo, cucaah a zaam mi an tam ngai. Hi hnu zong ah a zaam mi an tam rih ko lai. SAC cu amah tein a tlu te ko lai, a donghnak ah cun thantar lawng a dir te lai,” tiah CDM cawlcanghnak a tuahtu Bu-kyi Zin Yaw nih a chim.

Be the first to comment

Leave a Reply

Your email address will not be published.


*