Ralhrang Thimi 4 Ruak Latu Hriamngan In An Kahhna, Palik Uniform Hruk Meithal Kengin Palik 4 An Kah Hna.

Ralhrang Thimi 4 Ruak Latu Hriamngan In An Kahhna, Palik Uniform Hruk Meithal Kengin Palik 4 An Kah Hna.Karen pyine Demoso myone Sanpiah 6 mine khua pawng I nizan August ni 8 ah ralhrang 4 mine puahhnawh ruangah a thimi hna an ruak lak dingin a kalmi ralhrang hna cu Karenni bukomh ralkap hna nih hriamnam nganmi in an kah hna I a phirphahlik lo in an zam tiah Karenni mipi ralkap KPDF nih thawngthanhnak an tuah mi ah an langhter.

ralkap nih tuni August ni 6 ah khan an kah hna I, suimilam a cheutluk an I kaap I, a tutiang in a dai rih lo tiah theih asi. Cu bantuk thiam thiam in Myitkyina khuapi pahlahnah sang no. 3 palik sakhan gate cu tuni August ni 7 zinglei suimilam 6 ah palik thilthuam aihruk mi meithal keng 4 nih an luhhnawh hna I an kah hna caah palik 4 an thi I, hliamtuar mi zong tampi an um tiah hmunum thawngzamh tu Manua Voice nih thawngthanhnak an tuah mi ah an langhter.

Pahlahnah leicu a tutiang in kilvennak a khauh rih. Nizan an I kahnak cu kaphnih karlak an I kahmi nak in zampah in kah mi a tam deuh. Palik lei a thimi le hliamtuar mi an tam nain fiangte belin theih khawh asi rih loh. An I kaap ti cu a hmanmi asi ko caah sang chungah biatak tuk in an cawlcang suallai ti cu phan a um ko tiah khuami pakhat nih a chim.