12:August Karenni Ramkulh, Shiataw Hmunram Kahdohnak Ah SAC Ralkap 7 An Thi – KNDF

12:August Karenni Ramkulh, Shiataw Hmunram

Kahdohnak Ah SAC Ralkap 7 An Thi – KNDF

Karenni ramkulh, Shiataw hmunram chung ah August 7 le 9 ah khan voili tiang kahdohnak a chuak i, kahdohnak ah SAC ralkap 7 hrawng an thi, tiah KNDF battalion 17 nih nihin August 12 ah an thanh.

Shataw khua, Tangusuu sakhan in a chuakmi SAC ralkap hna cu August 7 in KA le KNDF B-17, B-12, B-14 nih an kahdoh hna. Kaphnih kar ah kahdohnak voi 3 tiang a chuak i, SAC ralkap lei 2 an thi, hliamhma tuar zong an tam, tiah an langhter.

August 9 ah Shiataw khua ah kahdohnak a chuak ṭhan i, SAC ralkap 5 an thih leng ah hliamhma tuar an tam, tiah KNDF battalion 17 nih an thanh.

Kaphnih kar kahdohnak chung ah KA le KNDF phufonh lei hliamhma tuar an um lo, tiah an langhter. Kaphnih kar kahdohnak ruang ah Karenni ramkulh, Loikaw-Shiataw  lampi cu mipi nih zulh rih lo ding in KNDF nih August 10 ah khamnak an tuah.

Kan catialmi a kan relpiaktu nan chungah kan i lawm.Thawngpang thar update khawh kan i zuam ko rih lai.

 

Be the first to comment

Leave a Reply

Your email address will not be published.


*