12.August!Monywa Lei In A Rak Ra Mi Ralhrang Motor Rual Bom Puahhnawh An Tong A Thimi An Tam!

Sagaing ramthen Minmu khuapi hrialnak lam a tanmi ralhrang motor rual hna cu hmun um mipi ralkap hna nih August ni 12 tuni zingka te ah khan mine in an doh hna. Monywa leiin a rak ra mi motor hna cu Minmu khuapi hrialnak lam hmun pakhat ah tuni zinglei suimilam 4 tluk ah khan padetha mine lung 5 in an doh hna I cu tiin an dohnak hna ahcun ralhrang tampi an thi kho men tiah ZERO Guerrilla phu Minchain bom lei hruaitu pakhat nih a zumhnak a chim.

Zing suimilam 4 ah Monywa in Sagaing lei ah ralhrang motor 20 an rak ra. Motor pakhat ah ralhrang a tlawmbik 30 an I cit. Ralhrang motor 12nak mine kan puahhnawh. Mine lung 5 kan puahhnawh khawh hna. Mine kan puahhnawh mi motor cu ainawk I motor cungah a ummi hna cu an hram len thawng theih asi.

Ralhrang hna cu aikhawng dengmi tamdawh an si tiah a chim. Mah hnu cun ralhrang lei zongnih hriamnam ngan mi he a hmemi he tiin an rak kah colh ve hna. Mine nih a puahhnawh mi motor tu cu Sagaing khuapi lei ah a dang motor in an kalpi tiah a chim.

Hi kahdohnak hi ZERO Guerrilla phu Minchain, DOG KILLER ZERO POWER revolutionary phu (Sagaing ramthen) le G4G PDF hna I komh in an doh mi hna  asi. Aliamcia mi August ni 6 zongah khan Monywa-Ayadaw lampi cungah aichoklei mi mipi hna tangka a halmi ralhrang hna cu ZERO Guerrilla phu (Minchain) nih Drone in bom an rak thlak hnawh hna I ralhrang 7 an rak thi cang fawn.a rel tu nan dih lak cung ah kan i lawm