Press "Enter" to skip to content

Myanmar Idol Season 4 WINNER Cu Esther Dawt Chin Sung Ta A Si Ko Cang

2019 Myanmar Idol Season 4,hlasak zuam nak ah kan mah Chin miphun chungin minung 4 an itel ti cu mipi nih kan theih dih cang.cu pin ah an dihlak tein Top 10 in teinak an hmuh dih cang.kan chim tawn bantuk in Chin miphun hna chungin a ho nih dah 2019 Idol Winner cu a co lai tiah cuanh cio a si bantuk in Kawl mino le kan mah Chin miphun vialte hna nih an chim phuan mi cu,”2019 Idol cu Esther Dawt Chin Sung nih a co ko lai”ti a si cio.

Hi konghe pehtlai in Yaw Kee nih a chim mi cu tukum Myanmar Idol season 4 hlasak zuam nak ah teinak(WINNER) hmu kho hlah hmanh usih law.a poi ah kan chia ti lo,zeicatiah 2019 Idol i zuam nak cu (NU) nih a co te lai tiah kan ruah dih.asinain WINNER cu a ho nih dah a co te lai ti cu theih a si rihlo caah mah le si khawh tawk cio in t’an lak le voter kawl cio cu a si.kan nih Chin miphun minung pa 4 hna nih cun WINNER kan co lo zongah top 10 tiang kan kai khawh mi ah kan i lung si ngai ko cang.kan mah hna lak ah (Esther Dawt Chin Sung) tu hi a tla sual lai tiah kan phan mi cu a si tiah a chim.

Yaw Kee biachim mi konghe pehtlai in Tan Khun Kyaw,Benjamin Sum le Esther Dawt Chin Sung hna an thin lung zoh tik ah zei tluk in dah an mah le an mah karlak ah an thin lung a thian i,an lung a rual ti hi theih khawh a si.Mipi nih tukum 2019 WINNER cu Esther Dawt Chin Sung nih co seh ti kha an duh.Asinain Esther Dawt Chin Sung nih tei nak a hmuh nak ding caah dawn khantu ding Aye Mya Phyu a tang rih. Aye Mya Phyu le Esther Dawt CHin Sung hna hi voter an hmuh ning an i tluk pah leng mang peng.Cucaah t’an kan herh ngaingai ko rih.

Myanmar Idol Season 1 in 3 tiang hlasak zuam nak ah Pa lawng te nih WINNER an rak co Cu hna cu,” Season 1 ah Lar Htaw War nih a co,Season 2 ah Tha Nge nih a co, Season 3 ah Phyo Myat Aung nih a co.Cucaah tu kum cu Mipi aw ka a thangmi hi a tling kho taktak.2019 Myanmar Idol Season 4 Winner cu NU nih a co khawh taktak.a mah belte mi zei hmanh thachiat awk a si lai lo.a ruang tein votes pe cuahmah ko hna usih.

Be First to Comment

Leave a Reply

Your email address will not be published. Required fields are marked *