Press "Enter" to skip to content

CNF He Pehtlai In Tuah Kanherh Ko III Nak Ah Peng Hlawnceu Tial Mi Hi Rel A Phu Taktak

Chin mi tampi nih Chin dothlennak hi kan dirpi i kan duh ngaiko. Asinain kan dothlennak hi zeidah kan timh i cu kan timhmi cu zeitin dah kan phak khawh lai timi kan i fianglo. Dothlengtu CNF/A zong nih tulio an tuah cuahmah mi dothlennak hi thahrum in kalpi nakcha cun Cabuai cung biaral dohnak in kalpi hi a thadeuh, cu nihcun kan duhmi le timhmi kan mah tein khuakhan lairel khawhnak kan hmuh khawh lai ti an zumh i NCA min an thut. Kum 7 a kalcang nain an timhmi mahte khuakhan lairelnak le duhdim nak cu chimlo Union Accord hmanh an zohdih kho rihlo. Cu karlak ah Chin ram cu Kawl nih an lemh thluahmah i Newin chanlio zawtnak phunkhat nih a zelh tluahmah. Culak ahcun Wah pawl cu rumra ngei ngai le tihzah tlak ngai in an ralkap thazang an hun phozar i an i chalh len. Kum 10 a simi AA nih heh tiah a pennak ram a hun kauh i Kawl ralkap le Kawl cozah cu a chalh hna. 
Image may contain: 1 person

Hithil vialte nih Chin dothlen nak ah Cabuai cung biaruahnak in kan duhmi kan hmukho lailo tihi fiang taktak in a langhter. Cheukhat nih 2012 CNA le Kawl ralkap minthut miah “Ralkap thar lak loding, hriamnam tharchuah le chap loding……..tbk” timi buar a ngah lo, kan buar ahcun Kawl ralkap he kan i kap suallai an ti i i kahthan an tih. Taktak tiahcun Kawl ralkap he kahdaihnak a tuah mipaoh (Wah telh in CNA tiang) khi bia khi an tiam cioko nain an zul ciolo. Anmah Kawl ralkap lila nih an buar len ve ko nain zei kan tingam hnalo. Cu a buarmi lakah Wah khi a zualhma bik ansi i nihin ahcun Kawl ralkap pawl nih Wah he i tonghding cu Cakei ka purh tih in an tih cang. 

Image may contain: 1 person
Micheukhat nih kan ram ah raltuknak le kahdohnak a um ahcun thanchonak kantuah kho lailo, harnak kan tawn lai, Chin ram cu Lei cung tang thilchuak a umlo i kan sikho lailo, cutin… khatin… kanti. Asiah teh, 2010 hlan tiang ah kahdohnak a tlawmbiknak Chin ram le Arakan ram khi ziah state dang lakah a sifah bik i a thancho lobik? Ziah thir le Bing (Opium) lawng a chuakmi Wah ram teh a thancho tuk i i kah cuahmah ko buah Kachin ram hna a thancho kotung?

Image may contain: 1 person
Cucahcun Wah bang mah le ram cia ah a thangcho mi le a zalen mi Chin ram ser kanduh ahcun Chin dothlennak a tuahtu CNA hi thazang kan thawnter a herh. Chin dothlennak ah hriamnam kan cah lo le ralkap kan thawnlo ahcun nihin kan chunmang cu thaizing ah tichum bang a loral lai. Cu sining a hngalhko i kahdohnak le ral tuknak a duh tunglo i dothlennak hi hriamnam thazang a herhtuk ti a ruat lomi cu a sir leiah i beng thluahmah uh.

Credit: Peng Hlawnceu

Be First to Comment

Leave a Reply

Your email address will not be published. Required fields are marked *