Tuchun kahdohnak ah Chin pasaltha, khrihfa zumtu zong asi i biaknak lei le khrihfabu zong nih bochan taktak mi Salai Om Ha Thang nih tuchun kahdohnak hmunkhat ah Chinram le miphun caah a nunnak pek ve tiah thawngpang theih asi.
Salai Om Ha Thang nih a chimmi biaroling cu “dothlennak kan tuah ruangah kan thih hi asi lo. Dothlennak kan tuah lo zongah nikhat khat ah cun kan thi ko lai, a thi ding mi kan si dih ko hna caah hin mi tampi caah nunnak pek hi cu a sunglawi khun mi le man ngei khun mi asi” tiah tuchun ah a nunnak liam mi Salai Om Ha Thang nih cun a chim tawn mi asi.
Ramon Catholic khrihfabu chungtel asi mi Dominic Om Ha Thang cu tuchun ah khan adawt mi a fale 4 le a thaisung nu kaltaak in Chinram le Chin miphun caah a nunnak pek e tiah thawngtheih asi. Salai Om Ha Thang hi Sunday chun pumh caan poh ah hin thlacamnak le Bible relnak in an khrihfabu a hruai zungzal tu hna asi i an biakinn le khrihfabu caah active tuk mi asi.
Miphun le ram dawtnak lungthin taktak he ralhrang adohtu Salai Om Ha Thang cu a Pathian ttangnem cungah dai tein aa din cang ai e. Miphun tuanbia tialtu Chin pasaltha Salai Om Ha Thang upatnak sangbik kan in pek e.
Leave a Reply