ZUALKO: A Nupi Nih A Thah: An Zurut Buin Kut An I Thlaak Caah A Pasal Cu A Nupi Kut Tuar In Tuni Ah A Kan Liam Taak

ZUALKO: A Nupi Nih A Thah: An Zurut Buin Kut An I Thlaak Caah A Pasal Cu A Nupi Kut Tuar In Tuni Ah A Kan Liam Taak . Mizoram Puilo khua ah Pi Muani kum 30 hrawng nih a pasal pu Rinawma kum 40 mi cu kut a thlaak caah a pasal hi a nunnaak liam tiah theih a si.

Pi Muani kum 31 le Pu Rinawma kum 40 mi hi an i neih naak kum khat hmanh a tling rihlo tiah theih a si. Pi muani kum 31 hi Mizoram Kawlkulh khua mi a si i fa kum 2 mi a nei mi a si i, an pa he an i tthen caah an khua pawng te i Poilo khua mi Pu Rinawma kum 40 mi he hin an i nei i Poilo khua ah khuasa mi an si.

Pu Rinawma kum 40 zong hi fa pathum a ngei cang mi a si i a nupi he an i tthen caah Pi muani kum 31 he hin man zong i pe leml loin a um tti mi an si tiah theih a si.An nupa hin zu hi a ding ngai mi an si tiah an chim.

Pi muani hi nu zaidam le mi komh nuam mi holh tam phun a si i an khua mi nih an tlaihchan ngai mi zong a si i a tu bantuk in a kut tuar naak in a pasal a thih hi mipi zong an khuaruah a har tak takZahan zaan ahkhan an nupa hin zu an ri deuh rua, an pahnih hin kut an i thlaak i Pu Rinawma kum 40 mi cu a hliam tuar loin tuzing ceuhlaan suimilam 4:30AM hrawng ahkhan a nunnaak a liam tiah theih a si.

Post morten an tuah naak in pu Rinawma hi a lu ah hliam faak tuk a tuar naak hi a thih chan a si tiah an chim.An mah hi an fale inntang ah khuasa mi an si i Pu Rinawma kum 40 hi siizung ah post mortem an tuah dih hnu in a hringtu a nu le inn ah a ruak hi tthut pi a si hnu ah zaanlei ahkhan vuiliam cawlh a si. Tualthat tu pi Muani kum 31 hi palek nih an la cang maw la cang lo ti hi thawng fiang theih a si rih lo. Pu Lalthlamuana Poilo khua YMA president

Be the first to comment

Leave a Reply

Your email address will not be published.


*