UPDATE : Tunai Timit Lei Kahdohnak Kong He Pehtlaiin Thawngpang UPDATE.

UPDATE : Tunai Timit Lei Kahdohnak Kong He Pehtlaiin Thawngpang UPDATE.

 

UPDATE : Tuhi rungtlang in miakpi , timit lei an kah cuahmah ko zingdeuh ah khuabe lei ah voi 3 an von kah.” Kan pasaltha hna Pathian sinah thlacam piak cio hna usih. Him tein an um khawhnak hnga le teinak an hmuh than khawhnak hnga thlacam in bawm cio hna usih.

 

Chin ramkulh, Hakha le Thantlang kar ah Chin ralkap phufonh hna le SAC kar ni 18 tluk kahdohnak ah SAC ralkap lei a thimi 50 leng hrawng an si lai, tiah CNF/CNA chimphuannak nawlngeitu Salai Htet Ni nih a chim. SAC ralkap hna cu July thla dongh lei ah Hakha-Thantlang kar Timit lei ah rallam an sial caah CNA le CDF phufonh hna nih an kah hna.

“July 30 in nihin tiang Hakha-Thantlang kar ah ni 18 chung kahdohnak a chuak. SAC lei nih an khang dih cang mi Thantlang khua sersiam ṭhan ding tiah tlangtar in hmunram kauh an timh” tiah Salai Htat Ni nih a chim. Kahdohnak chung ah Hakha hrambunh SAC ralkap nih hriamngan hmang in nitin in an kah hna i, helecopter nih voi thum tiang hriamthil thazaang a chap, raltuknak vanlawng zong a rak zuang nain, khuacaan ruang ah a si kho men a kir ṭhan, tiah a chimchap.

Pu Htet nih cun, “SAC ralkap lei hi ralkap 50 leng hrawng an thi lai tiah ruahdamh a si i, hriam le kuan zeimawzat kan lak, kanmah lei in minung 5 nih hliamhma an tuar, an hliamhma kong ah thinphan ding a um lo,” tiah a chim.

A luancia thla chung ah khan Chin ralkap phufonh hna le SAC ralkap hna cu Hakha-Falam kar ah an rak i kap i, atu thla ah cun Hakha-Thantlang kar ah fak ngai in an i kap. “Hmailei kahdohnak cu atu nakin a fak deuh kho” tiah Salai Htet Ni nih cun a chim.

Be the first to comment

Leave a Reply

Your email address will not be published.


*