Timit kuang kahdohnak hi a caan sautuk cang, kahdohnak zong faktuk lengmang in asi caah Chin pasaltha le miphun dawtu hna kan pasaltha CNA le CDF hi an thaba ngaingai ko cang.

Timit kuang kahdohnak hi a caan sautuk cang, kahdohnak zong faktuk lengmang in asi caah Chin pasaltha le miphun dawtu hna kan pasaltha CNA le CDF hi an thaba ngaingai ko cang. Chun zaan it loin ral hngah le kahdoh cu thil fawite asi ve hrim lo.

A hnubik August 25 i Timit kuang tlangsang biknak, Chin pasaltha CNA le CDF nih umhmun an kuarnak zawn cu kawl ralhrang nih lamhla kahnak hriamngan lawngte in an rak kah hna caah Chin pasaltha leiin pakhat nunnak liam i liamtuar zong an um hna. Cu hnuah CNA le CDF nih an riahbuk cu hnu an tolh taak chung tiah thawngtheih asi.

Cu kong he pehtlai in Kawl ralhrang thawngthanh nak Fifty-Two News nih thawngthanh nak an tuah ve mi cu “Timit kuang tlangsang biknak hmun, Chin ralkap umnak sakhan kan lak khawh. Cun landmine 13, bomb thei 7, kut hlonh bomb 3 le thildang zei mawzat kan lak khawh pinah an riahbuk thlam 3 kan khangh piak hna” tiah thawngthanh nak an tuah ve hi asi.

Hi kong he pehtlai in The Chin Post nih an rak tial mi cu “Timit kuang kahdohnak ah SAC ralkap 10 hrawng an thi i, CDF-Hakha in chungtel pakhat a nunnak a liam ve, tiah CDF chungtel hna sinin theih a siTimit in kehlei kam a sancemnak tlang ah ralhrang an rak kai i 11:00am in kahdohnak ai thawk. Chum a zaam tuk ruangah ralhrang pawl hmuh khawh an si bak lo.11:10am hrawngah ralhrang lei RPG kuan cu kan hawile umnak bak ah a tla i, Hakha in kan hawipa pakhat a nunnak liam. 1:30pm tiang ah kahdohnak a dih rih lo.

Ralhrang pawl nih tlang a sancemnak hmuhma an kan chuh khawh! Ralhrang lei hriamnam i in awk a that ti lo ruangah kan hawile hnu ah an pil. Ralhrang lei in 10 cung cu an thih lai zumh a si. CDF-Hakha in pakhat a nunnak liam i pahnih hliamhma an pu,” CDF-Thantlang chungtel pakhat nih a kan thanh.