Press "Enter" to skip to content

Tial Cung nih teinak a hmuh cang! Lawmpi cio hna usih (+Video)

A fight timi Cambodia pa cu fawi taktak in a tei khawh! Laimi kan men ti lo, Pathian nih vawleicung killi cungah cawnsan a kan timh ve cang. Tial Cung Thang nih a round 1nak in a round 3nak tiang voi 5 tluk a tengh i voi tam nawn a thongh khawh. Cun, a khuk zong in a suk pah khawh. Asinain remte in a thongh khawhmi a tlawm. Cambodia nihcun voikhat hmanh a tengh lo pin ah remte in voikhat hmanh a thong kho lo. Mark in an rel i Tial Thang nih a tei.


“Myanmar ka dawt tuk. Hi nak ṭha in hmailei zong ah kaa zuam chin lai” tiah Tial Cung Thang nih a chim.

Tial Cung Thang hi One Championship- MMA ah a hmasa bik aa thuat a si. Rin Saroth hi One Championship-MMA ah voi 5 aa thua cang i voihnih lawng teinak a hmu i voithum a sung. Rin Saroth hi kum 25 a si i pe 5.6 a sang. A khing hi pound 143 fai a si. Anmah Cambodia ram ah voi 110 aa thua cang i voi 22 teinak a hmu. Tial Cung Thang hi USA wrestling i thuatnak New York State championship voihnih a co bal cang. Cu pin ah BJJ Brazilian Jujitsu ah blue taisawm zong a rak co bal cang. Cun, Lai paih zong ah voi 5 bual a co bal cang.

Tial Cung Thang a chuahkehnak cu Hakha Khuathar a si. A nu le a pa hi Pu Tawk Cem le Pi mang Si an si. Unau chuakti khat pali an si i far pathum a ngei, amah lawng hi pa a si. 2005 kum ah Malaysia a phan. Cun, 2007 ah Syracuse, New York, USA ah an chunglingte in an phan. Hika ah high school zong a dih tiah kan theih.

Video

Be First to Comment

Leave a Reply

Your email address will not be published. Required fields are marked *