Tedim Ah Kedanh Zuarnak Dawr Ngeitu Le Minung Pathum Tlai An Tong Zaang Fak Bak An Si .

Tedim Ah Kedanh Zuarnak Dawr Ngeitu Le Minung Pathum Tlai An Tong Zaang Fak Bak An Si .

Tedim Ah Kedanh Zuarnak Dawr Ngeitu Le Minung Pathum Tlai An Tong!: Chin Ramkulh, Tedim Khua ah (ralkap bunhmi phun) kedanh zuarnak (မိဘရိပ်) dawr ngeitu le an dawr thil phortu Shwe Nyi Ko (ရွှေညီအကို) mawṭaw a khaltu, a hnuzultu pakhat le gate hngaktu hna cu SAC ralkap nih an tlaih hna, tiah theih a si.

August 3, chun suimilam 12 hrawng ah Kalaymyo, Myothar sang (ကျေးဇူးရှင်) mawtaw gate ah Shwe Nyi Ko mawṭaw cung in dawr thil pawl an ṭhumh lio ah SAC ralkap an va phan i, an check hna tik ah songkhoi(ဆာလာအိပ်) pathum khat in ralkap bunhmi kedanh tuah 146 an hmuh caah gate hngaktu Ko Ngan Sian Taung, Mawṭaw khaltu Ko NyiNyi Aung le Mawṭaw zultu Ko Nay Lin Tun hna cu an tlaih hna i an kalpi hna, tiah a pawng um mi pakhat nih a chim.

An tlaihmi Songkhoi ah cun “Mih Bah Zeih (မိဘရိပ်၊) Tedim” tiah aa ṭial caah Tedim khua um mi palik nih dawr ngeitu Zan Khawl Cin cu August ni 3 zaanlei ah an tlaih ve, tiah theih a si. Zan Khawl Cin hi a hlan zong ah ralkap bunh mi le ram kalnak i hman khawh mi kedanh le thilri dang pawl a zuar pengmi a si.

Atu bantuk in kedanh ruang i an tlaih hi khuaruahhar bak a si, tiah Tedim khuami pakhat nih a chim. An tlaih lio ah hin a dawrchung i um mi kedanh songkhoi 7 an tlaih chih tiah theih a si.Nihin tiang thawng kan hlat khawh ning ah cun Kalaymyo i a cangmi a si caah Kalaymyo Palik sakhan lei nawlpeknak ning in an tawlrel lai tiah theih a si. Chin ramkulh chung ah cun lorianṭuan kan si i ramlak kan kal lengmang caah hi bantuk kedanh hi nu le pa thleidang loin kan i danh cio mi si, tiah khuami pakhat nih cun a chim chap.credit the chin post.

Be the first to comment

Leave a Reply

Your email address will not be published.


*