Press "Enter" to skip to content

Rung Lian Ceu Nih Cun Aralai Ding Mi Cu $10,000 Le $ 15,000 Nan Thehnak Hmun Paoh Cun (+Video)

Nizaan Indianapolis ka chawh leh nak hrawng i bia ka theih mi tam ngai mi cu “WPC pawl business in paih an tuah” ti mi an tam ngai. Kei World Paih Championship hi an dir pi mi le, an i timh mi ka uar ruang ah mah hlan hin ka tel pi tawn hna. Mah hlan zong mi dang nih paih nan ka sawm ah kan tel pi kho bel hna lo. A sina in a ra lai ding mi cu $10,000-$15,000 nan theh nak hmun poh cun ka tel ve lai. $10k tang a si cun nan sia zong ka herh ve hlah uh. Mah hi Paih a tuah tu nan dih lak sin ah challenge kan pek ve hna. A pai mi lawng ma kan thang cho lai? Paih tuah tuzong thang cho ve hna seh.

Bawipa ka thlacam nak na ka leh caah ka lawm. Khuami hawi le kom thazaang a ka pe mi nan dih lak sin zong ah a hlei in ka lawm. Nan mah tha pek nak thanwg in champions tam pi lak khawh nak dir hmun zong ka dir khawh nak hi a si. GodBless.

Atanglei ah pumpak tete nih comment mi zong hi rak relchap hmanh, mah le hmuhning cio le dirhmun cio asi ko na ti ve maw? Nang zeitin na ruahning asi ve?

Suinei Thang HL: Hman kho tuk eh an lak songpek zong kha adawh cah lo. Middleweight champion: hna $8000 an ti le Heavyweight champion: zong $8000 an ti mi hrim kha a dawh deuh loh. Heavyweight cu athawng cem nan si le $ zong tam cem Ding asi. Ma hnu zong ah Heavyweight le middleweight $ an khah tar peng acun Heavyweight a pai Ding an Umm te lai loh. Tukum champion Ram peng hna kha tuan deuh paih ah Heavyweight ah pa2 nak ala mi asi le Atu acun middleweight ah apai cang.

Van Lian Hum: Laksawng kong ah ka hmuh ning, Paih a tuah tu dirhmun zong kha zoh chih pah cu hau, $8000 hrawng hi a za ngai ko tiin ka hmuh , Paih an tuahnak hmun paoh ah telpi hna law paih zong a hlunghlai, cun nangmah ca zong ah tampi na hmuh ko hnga!! Laimi chung in Paih a man in zoh hi a ruat kho mi le a huam mi kan tlawm ngai rih tiin ka ruah! thehakhatime

Sang Hnin Thang Le Rung Lian Ceu naite i an i paihnak Video kan van thil chih.

Thawngpang dang relchap ……

Tu Tan Myanmar Idol Ah Benjamin Le Esther Ah Hin Benben Cu Pa Hnihnak Rim A Nam Cang Ko Hih

Atutan Myanmar Idol Season 4,hlasak zuamnak ah Benjamin Sum le Esther Dawt Chin Sung an i t’eih mi hi cu ruah ah a poi ti pin cun chim awk a har ngaingai.zeicatiah WINNER a co kho ding veve bak an si.kan theih bantuk in WINNER cu minung pakhat lawng nih a tinco ding a si caah mipi thinlung an buaiter ngaingai.mah le Idol ti phun in voter vun pek awk zongah a ho deuh hi dah kan pek lai tiah i lak lawh ngai in mi tampi an um.

Benjamin Sum le Esther Dawt Chin Sung cu Chuahpi Unau bantuk in an i daw na in an fans pawl tu hi ningcang lo in biachim mi tampi kan um tawn.hi ruangah Yaw Kee nih Season 4,hlasak zuamnak ah a tel mi an fans pawl hna dihlak sin ah biachah a chim mi cu,”kan mah kan id awt bantuk in kan fans pawl hna zong nan dih lak in rak i daw ve uh”tiah a chim.

Atu tiang an dirhmun ah cun Benjamin Sum le Esther Dawt Chin Sung hna ah hin pakhat paoh nih WINNER an co te lai tiah ruah cio an si.asinain an aw-zai lei zoh ah cun an thiam bak veve.a soisel awk um lo bak khi an si veve fawn.a mah belte Season 4, hlasak zuamnak ah WINNER a cotu ding nih cun a aw t’hat lawng si lo in Voter a biapi taktak tik ah a tu ning tein Ben Ben fans pawl hna an cawlcangh khawh pengah cun Voting in Ben Ben nih a tei khawh mi a si.zeicatiah Sung Sung cu a fans pawl hna le pumpak in voting a cawk piaktu an um rih lo caah a si bik.

Biapeh!Benjamin/ Yawkee / Esther Top 7 Myanmar Idol vote thlak lio asi. Hakha ahcun Esther Dawt Chin Sung te dawr hmai ah mah ti hin Benjamin / Yawkee le Esther hmanthlak an chiah i, Mytel volunteer he vote pek nak an tuah ve. Mytel company he ibawm in, Hakha khuapi ah Benjamin, Yawkee le Esther cu hmunkhat ah mizapi nih vote pek kho ding in saduhthah nak he hmanthlak an post. Laimi kanfale hi kan mit fang bantuk an si caah thleidan nak umlo in kan ttanh hna timi kan langhter mi asi. Cucaah Esther te dawr hmai ah an cawngia mi asi. Esther nu le pa duhsaknak, lungtlin nak in an tuahmi asi.Mindat , Falam le Kalaymyo zong ah, minung pakhat hmanthlak lawng cawngia tuah si loin, an pa 3 hmanthlak he cawngia kho ve hna sehlaw atha ngai hnga tiah ka ruah.

Be First to Comment

Leave a Reply

Your email address will not be published. Required fields are marked *