Press "Enter" to skip to content

Ralring Tein Um : USA Um Chinmi Mawtaw Cu Meithal In Kah A Si Cang

Chinmi caah ralrin awk taktak a si cang. Europe, Africa, Us cun hmun dangdang ah siseh Asia Mipi pawl cu nihsawhnak le zawmhtaih nak ah an hman cang hna, a ruang bik cu Coronavirus tiah kawh an tong, India ram kala lak zongah Chinmi cungah Northeast pawl zong Coronavirus ti auh mi zong an tam ngaingai cang.

cubantuk in Us zongah Chinmi pawl zong Mirang midum pawl misual an tam tuk ve caah ralrin ngaingai a hau cang. Hruaitu upa pawl zong nih ralring ten um ding in Chin mipi pawl cu theihter nak an tuah hna.

Chelsea Bawi nih cun hi ti hin a langhter… Nizaan tih Ni (3/16/2020) zinglei sang ah Laimi kan tamnak Indianapolis i Greentree Apartment ah Myanmar mi motor asi lai timi an zumh mi paoh motor 9 cu (kan theih khawh tawk lawng asi rih) an thlanglang an den piak dih cikcek hna. Monday zinglei thiam ah aho ti theih lomi nih Chin mi riantuan in a hung lawi cu meithal in an kah than, vanthat ah a kheng lo caah a Motor thlalang lawng a kuai.

Tulio cu USA ummi Chinmi cu i ralrin thiam ngai kan herh. Virus ruangah Asia mi huatnak a sosa chin lengmang. A chinchap lo ah Ramdang mi a hua tukmi Trump nih “China virus” ti bak in bia a chimmi nih harnak fak chinchin in kan tong te sual lai hi thin dom le thlacam kan thawng aherh hringhran. Phundang in kan chim asi ahcun Chinmi caah hin virus ma tihnung deuh Asia huatu pawl? Timi biahalnak hi ngeitlak tein kan him lo ning hi ai tluk ngacha.

Laimi kan umnak ah i ralring cio hram hna usih. US cu meithal a zalen tuk i a chinchap loah a thluak a hmantuk lomi le Miphun dang a huatukmi an karhchin lengmang cang i luh chuah tikah ralring tein um thiam I zuam hna usih. KKK hna an hung lang tuk lai ka phang hringhran.

Kan Group chung ahhin Chinmi Indianapolis khua ummi minung 6,000 tluk nan um i, USA ummi 25,000 tluk kan um caah thawngzamhnak le bia i ruahnak ahcun a biapibik asi caah vun luh Chin lengmang hna ulaw kan hmuhtheihnak ralrinnak ah vun I chim cio hna usih.

Be First to Comment

Leave a Reply

Your email address will not be published. Required fields are marked *