Press "Enter" to skip to content

‘Myanmar Ram Hrangah NLD Cu Chanhchuah Tu A Si, Federal Democracy Nan Duh A Si Ah Cun NLD Vote Uh’: Dr.Sasa

Dr.Sasa cu Chinram le miphun hrangah rian tamtuk a rak tuan cang mi a si.Tukum i thim nak kong ah politic chung ah a cawlcang i minung thenkhat nih ai timh mi le a riantuan ning hi cu a tha tuk ko nain, a dir nak party a dik loh an ti.

Asinain, Dr.Sasa nih a dirnak NLD party cu Chin ram le Myanmar ram hrangah a ṭhabik a si tiin a phua chuak ve. “Kum 30 chung federal democracy ngah dingi ai zuam peng tu party pakhat lawng a um, mah cu cu NLD a si.

NLD chung ah kawlram mi zatein kan tling dih.NLD i rak cawlcangh nak ruang ah, federal democracy timi biaholh zong zalong ngai in kan hman khawh nak a si. A hlanah cun federal democracy timi biaholh na hman a siah cun, Thawng na tla colh lai.

NLD i kum 30 chung a rak cawlcangh nak ruang ah, party dang 93 hi a rak chuak kho mi a si. Zalong tak in i thim nak a chuah khawh mi zong hi,NLD i cawlcangh nak ruang ah a si.

Myanmar tuanbia zohthan tik ah NLD cu chanhchuah tu a si. Kum 30 chung NLD cawlcangh nak ruang i a rak chuak kho ding mipi pawl nihNLD vote uh. NLD soisel loin Democracy na duh a si ah cun NLD vote uh, Federal nan duh asi ah cun NLD vote uh, hmundang ah a um loh.

Federal Democracy a si lo maw kan duhmi, kum 30 chung bak a rak i zuam lengmang tu NLD ah ra hmanh uh. Hmundang dang in kan rak i zuam asi ah cun kan hlawh a tling bal lai loh. lungrual lo dingin an kan tuahtu cu chim hau loin kan theih cio dih mi si.

Federal ngah kho lo dingin, lungrual lo dingin an kan tuah zungzal tizong kan theih cia dih a hau. Vawlei cung ram thangcho pawl ah cun, party 2 lawng an um, Kawlram chung lawngah party 93 an um. Khahlan khan lungrual londing in, an rak kan tuah zungzal ruang ah a si. NLD ah um ti dih hna usih” a ti.

Cun, a pa bak zong anmah Mara party ah a um nain Dr.Sasa cu a um duh ve loh, cozah tuah kho lo ding party hme mi i um a duh lo nak kong a chim. Ramdang ah nuam tuk in a um kho ko nain, Chin mipi le Myanmar ram a duhdawt tuk ruangah Chinram i a um nak kong pawl a chim i, Chinram than chonak ding hrangah timhtuah mi a neih nak kong zong theih a si.

Credit : Meifar

Be First to Comment

Leave a Reply

Your email address will not be published. Required fields are marked *