Press "Enter" to skip to content

Malaysia In Chinram Ah Rose Par A Ruak Cu Tlunpi A Si Cang Lai E

Apoi tuk hringhran ai e, kan vawlei cung hi cu mu, duh tlin lo nak ram a si ko. Pawcawm nak kawl in miram dang ah kan nun nak a liam mi hi cu lung a fak hringhran ko mu. Malaysia ah ralzam in khua a sa mi kan miphun , Rose Par cu ruah lo piin Malaysia aummnak ah akan liam tak tiin thawngpang kan theih cio. A ruak cu Thaizing hi Kawlram in Laitlang tiang an rak tlunpi cang lai tiah theih a si.

Rose Par cu mi fel a si i mi nun tha tuk a si, Pathian a tih tuk ,Pumhnak ah caan hman tein akal zungzal i Malaysia a umnak Biakinn ah ngakchia hruai tu a si ti zong theih a si. A mah hi Lai tlang ah Thantlang peng Tahtlang khuami a si i kum 2014 ah khan Malaysia a rak phan i kum 17 nungak no te a si tiah theih a si. A tu cu hi vawlei in akan liam tak ti theih cu a hman thlak a hmu tu zong nih celh a si lo. Mitthli a luang cio. Malaysia ah kan miphun hawidawt cheukhat cu hi vawlei in akan dinh tak cang tihi kan theih a tlawm hrim ti lo.

Kan Nau Rose par cu Nihin hi amah thlahnak le thlacamnak an tuah piak dih hnu ah Thaizing hi zingka Suimilam 10:40am in Malaysia Vanlawng MH741 Malaysia AirAway in kawlram ah an tlun pi cang lai tiin Tlunnak kong ah tuanvo a la tu San Win nih a facebook ah a tar.

Hi thawngpang a reltu vialte nih kan umnak cio in kan lungthin cio ah thlacam in bawm cio hna usih. Tantak mi chungkhar caah le khuakhat unau vialte caah hnem tu thabik Jesuh sinah kan au cio awk a si. PATHIAN nih tantak mi chungkhar hnem hram ko hna seh mu. Chungkhar sinah kan tuar pi cio ve e.

Be First to Comment

Leave a Reply

Your email address will not be published. Required fields are marked *