Press "Enter" to skip to content

Lai Pa Thawng Minthang Pahnih Chungin : Rung Lian Ceu Le Tial Cung Thang

Tuchun kan miphun chung ah minung pahnih umnak ah cun an kong ceihphai a simi hna cu Rung Lian Ceu le Tia Cung Thang hna hi an si ko. Hihna pahnih Rung Lian Ceu le Tial Cung Thang ah hin a ho dah na duh in na uar deuh? tiah biahalnak tuah heisi seh law thim ai harhmi kan tampi men lai. Duh thimawk hngalhlo ah thim lopi hna in um a fawite ding phun khi a si.

A cung tlangpi ah “duh thim awk pahnih” tiah ka taar bantuk in, kan lai pa paih tthawngbik Rung Lian Ceu le laipa chung in MMA fighter hmasabik Tial Cung Thang hna lak ah hin pakhat paoh i thim ding tinak a si loh. An pahnih bak in i thim veve ding an si ko. Rung Lian Ceu hi kan lai nunphung ah ai telmi paih bak in ramdang ah a phan hmasabik a si ruangah thangtthat deuh hlei awk a si lo. Cubantuk tthiamtthiam in Vawleipi huap in MMA ah kan laimi chung in a lut/chuak hmasa bikmi a si ruang ah Tial Cung Thang zong thangtthat deuh hlei awk a si fawn lo. An pahnih bak in thangtthat awk a tlakmi kan lai mino an si. I thim veve awk an si.

An mah le an si khawhnak zawn ah biatak chuah in an ttuan caah. Tial Cung Thang le Rung Lian Ceu nih hin nihin an dirhmun an phanh khawhnak ding ah hin timhtuahnak tampi an ngei. An caan le thazaang an pek. An ruahnak le chawva tampi dih in teimaak te in an tuahmi rian ah an ttuan caah a si. Cucaah miphun ai an awh khawh i miphun hmai an hngal ter. An nun cawn awk an tlak i thangtthat awk zong a tlakmi an si. Chin Tlangau

Be First to Comment

Leave a Reply

Your email address will not be published. Required fields are marked *