Nungak Ni Iang thih nak kong ah thil si ning le, hmuh ning



thinlung a fak hringhran ko mu December 31, kum thar hngah zaan ah zuu a ri ngaimi Kawlpa nih motor in Hakha Gangaw lam ah cycle ai citmi nungak Ni Iang le a hawile 2 a pah hna i Ni Iang a nunnak liam.

Mai Ni Iang hi cycle a mongtu a si motor nih a pah hna hnu in sau nawn a kalpi rih, A kehlei kut a kiak, a orhlei ngal a kiak rih A thluk ah thi a lut fawn, a hliam hma hi a fak ngai ngai December 31 zaan ah khan Mandalay sizung ah an lanh pi colh ko nain January 3 zaan ah a nunnak a liam.



A hawi le Sui Hlawn Par(kum 21) le Mai Run Tha Cer(15) zong fak ngai in an i khawng ve, Hakha siizung ah zaan thum an riah hnu ah a tu cu an chuak cang, Hi thil a can lio ah hin Police le PK pawl zong an auh hna i an ra ko nain Kawlpa nih cun keimah ka palh lo a ti hna ruangah an tlai thai lo ti a si.

hi bantuk thil hi a rak um pah lengmang cang i hmai lei zongah zei dah kan tawn lai tiah chim khawh silo mi thil a si kawlpa nih hin a thiam le thiam lo hi lamcungah chimnak hmun a si lo i police nih tlaih i court ah a chim ding a siko lo maw, an tlaih cawlh lonak a ruang hi zeidah si timi hi ruah awk tampi a um mi cu a si, A pa hi bia ceih Bawi a si caah an ngamh lo maw si hnga Silo ah kawl mi hrim hrim hi kan ttih hna ruangah thla a si hnga.



hi tluk thil a can hnu zong i lam lai men men i keimah palh a silo a ti mi hi an pawn hnga, Lai mi nih hi bantuk hin minung cil ve hna u sehlaw, police sinah ka palh lo ti ve u sehlaw a kan zoh sawsawh ko lai maw. Silo ah kapa cu vuanci a si tiban tuk in ti ve u sih law tlaih lo in a kan kal tak lai maw, silo ah laimi ka si hrim hrim caah an ka tlaih lai dah.

Phung hi hau caah ah dah ser/tuah a si hnga??? Lai mi hi miphun tenau kan si i, minung zong kan tam lo tlawmpal te long long kan si ko, A si nain pathian nih ka umnak ding caah ram a kan pek i hi kan ram chungah hin hau hmanh nih a kan nehsawh ding kan si lo, Caan tampi a kal cia mi kan zoh tikah kan ram chungah kawl mi hna hi zalong lein an um pin ah an duh duh in kan nungak tlangval cungah an um i, kan nunnak tiang a kan laktik ah lung a faktuk hringhran ko.



Tlangcung mi le mi sifak kan si caah maw si hnga, silo ah khrihfa kan si ruangah thla ti hi ruah lo awk a ttha hrim loh, Khrihfa kan si ruang i mithat le lai nawng mi kan ngeihthiam lengmang hna siah cun, kawl cozah nih phung a ser mi hi kan caah cun, pok pa long hman nak a um lo mi a si lai i a helh zong a helh fawn lo mi a si, cun biaceihnak court /zung zong a um a hau lo mi a silai.

Mah khua le ram umnakin miphun dang kan ttih tuk mihna le, a kan nehsawh ning vun ruah tikah cun, lungfak tuk tawn, zeitik tiang dah hi bantuk hin, kan um lai i, a kan nehsawh lai ti hi na ruat bal ve maw???mah le ram cia hmanh i zalong tein a um khawh lo mi hi thinlung a fak tuk hringhran ko.









Be the first to comment

Leave a Reply

Your email address will not be published.


*