Iang Len Sung: Mui Dawh Maw Naa Thim, A Thinlung Ttha Mi?

Mui dawh maw naa thim, A Thinlung ttha mi? Zumhtlak minung maw na kawl tawn, silo ah Mirum dah? Nuamhnak maw naa thim Dawtnak dah? Nun lawmhnak taktak khi, Mui/Rumnak, Nuamhnak ah hin aa hngat thlu lem lo dawkaw. Dawtnak taktak le Zumhawk a tlak mi hna nun lawng khin,

NUG Nih House No 54 Daw Aung San Suu Kyi Inn Cu National Heritage Ah Kan Chiah Ti Bak Si Ko Hih!

National Unity Government (Exile) Acting President Du Wa Lha Shi La nih Daw Aung San Suu Kyi inn cu National Herage ah kan chuah tiah an chim. Hi inn le hmun le ram vialte hi mah pumpak nih ningcang lo in hrawh le zuar kan siang lai lo tiah raltha taktak in an chim.

Yangon Khuapi Bahan Township chung ah um mi University Avanue Road (Inya Lakr) House No. 54 cu Myanmar Independence Hero Gen. Aung San inn a si. Tuah hin Gen. Aung San fale a dam rihmi pahnih Aung San Oo le Aung San Suu Kyi kar ah an pa ro kongkau ah buainak a rak um.

Gen. Aung San a thih hnu 1988 kum thawk in a fanu Aung San Suu Kyi nih a luah tiah theih asi. House Arrest i kum 15 chung a um lio zawng ah khan khuahar lileng emem in mah inn ah hin a rak um. Daw Aung San Suu Kyi nutapa Aung San Oo nih mah inn acrea hnih hrawng kau a neitu ka si tiah MSC ah 2016 kum ah khan ca a rak luhpi.

Aung San Oo nih a rak hal mi cu Myanmar Supreme Court nih a rak cohlan piak duh lo. Aung San Oo thiam thiam nih 2019 kum ah khan ca a rak luh pi tthan i nizan tihni teah khan Aung San Oo luh pi cu MSC nihcun August ni 22 ah khan an rak cohlan piak.

Myanmar Supreme Court nih Aung San Oo appeal tuah mi an cohlang piak cang caah Aung San Oo nih a duh paoh in a tuah ding dirhmun ah a dir cang tinak si. Hmanh sehlaw National Unity Government (Exile) Acting President Du Wa Lha Shi La nihcun mizei hmanh nih mah inn le inn hmun cu an vaivuanh khawh ding in National Herage ah kan chiah tiah an chim ve.

Be the first to comment

Leave a Reply

Your email address will not be published.


*