GoodNews: CNDF Falam nih Police Training Kan Lim Tiah Ropui Tak In An i Thanh

Falam peng huap in kan cawlcaang tiah statement a rak chuah lengmang mi CNDF nih 3 sept 2022 ni ah Palik training tlamtling tein kan lim e tiah an thanh.  Atu CNDF nih an tuahnak hmun hi CNDF Headquarter Rihli Camp ah a si i, minung 71  nih Palik officer cu an lim i falam peng khuate kip ah kuat an si lai tiah theih  a si.

Falam peng ahhin kawl ralkap aanating hnu ah hriamtlai pathum an um than i, pakhat le pakhat an i rem lo ngai caah an i kap te sual lai ti phan a um ngaingai. Atu CNDF nih aho bantuk hriamtlai hmanh Falam peng ah cawlcangh a ngah lo ti ah ca zong an rak huah bal nain atu tiang an cathanh ning in rian an tuan kho taktak lo.

Falam pengchung hriamtlai hna cu CDF Zanniatram le Hualngoram CDF le CNDF Falam hi an si hna ti a si. Hualngo CDF le CDF Zanniat hi an i daw ngaingai le CNDF nih cun CNDF ah i fonh dih a duh caah a rem lem hna lo tiah Zokhuathar ummi pa nih a chimCNDF pawl cu CNF bantuk in in kan dir peng lai tiah aa timmi an si i faakpi in falam khuate pawl zong va leem le va sawm ah thazaang an chuah ngaingai ti a si.

CNDF cu KIA CNF KNU AA tepawl bantuk in kan dir hrimhrim ko lai zeitik ah kan duhmi kan hmuh lo ahcun kan hriam kan chia thai lai lo, zungzal in ahmun mi a cak mi ralkap bu kan ser lai an ti.

Be the first to comment

Leave a Reply

Your email address will not be published.


*