Press "Enter" to skip to content

Dr. Sasa Nih Debate Tuah A Duh Lo Ruangah: Cheery Zahau

Myanmar ram i thim nak ding nile can cu a nau chin thluahmah cang i ai zuam tupawl ding zong an phur dih vio hna.Tu bantuk can ah hin cun party chung i rinhchan mi pawl zong thianghlim tein, Debate-nak nei kho hnanseh law mipi nih kan i hlawk pi tuk cio hnga.

Mipi theihnak zong a kau deuh lai i, politic lei zong ah kan mit a var deuh hnga. Cheery Zahau nih “October 18, 2020 (zarhpini) zan lei nazi 7 pm ah The Chinland Post in interview nak an ka nei lai. Kawl holh le Lai holh ka cawh lai. Sasa nih debate tuah a duh lo ruangah one-on-one interview tuahnak chan hi a si. Nan zatein rak ngai ding in kan sawm hna” tin a facebook ah a langh ter.

Cheery Zahau hi ram le miphun hrangi a rak cawlcang lengmang mi pakhat a si. Kan hnu zong ah tihin a rak langh ter cang. “Kawl ralkap ICJ tiang a va hum tu NLD Chin pawl nih CNLD le ral kap an i kawp lainan ti mi cung ah an za tein hmunkhat ah um hnassh law, keimah pakhat lawng zong nih debate tuah ka ngamh. Asinain, debate cu biatak / a sinak (facts) lawng chimh khawh a si” tiin Debate tuah a ngamh nak kong a langh ter cang.

CNLD le NLD members le supporter pawl konglam a langh ter mi: “Election neihnak ding ni 28 lawng a tang. Kan campaign cuahmah nak i ka hmuh mi thil pakhat. CNLD members le supporter pawl hi mipi zaran kan si.

Kan mipi harsatnak le sifah harstanak ti mi hi a thei fiang tu bik le a tuar tu bik kan si. Thleidannak, a diklo tuk mi system ruangi harsatnak a tuar zungzal tu pawl kan si. mah cu system duh lo i thlen ai tim lengmang mi pawl hi, CNLD ah kan i fonh kho dih. NLD cu tu bantuk tho tho i power neih, a diklo tuk mi system cah ter chinchin tu an si. Zeiruang ah tiah cun, mahhi syatem hi an hrang ah cun hlawknak a si.

Cun, kan Chin mi lakah mirum le mi nei, a ho hmanh nih tongh khawh lo mi, cozah riantuan thing mi mirum, Messiah bantuk i lianngan ngai i um ai tim mi, mi chanhchuah tu bantuk i thinlung nei mi, i thiam ter ngai, hlawknak pakhat long a zoh mi sumdawng pawl hi, NLD ah an i fawnh khawm. An mah i agenda ah mipi hrang ai tel loh, an power (nawl ngeihnak) feh ter chinchin lawng khi an agenda a si” a ti.

Credit : Meifar

Be First to Comment

Leave a Reply

Your email address will not be published. Required fields are marked *