Press "Enter" to skip to content

Dr. Sasa A Tuanbia Cu Ngeih Ngam Zong A Si loh! An Sining An Phuan Cikcek!

Ram hruaitu pawl cu soisel tong ding hrimhrim an si, a liamcia an tuanbia pawl zong mipi nih an dothlah tuk hna. Cu bantuk tthiam tthiam in Dr.Sasa kongkau zong a phunphun in an thehdarh.

Dr.Sasa nih“Ka duhdawt mi mipi pawl zangfah ten a hmanlo mi bia thanh ti hlah u. Pumpak i soisel nak le i huatnak kong zong thanh ti hlah u, “Pathian nih Kan ram te hi thlawchuah pe hram ko seh” a ti.

Dr.Sasa kongkau cu Salai Zing Hmuh timi nih a post i a kenkip ah ai tthekdarh vima, A post mi cheukhat cu ‘Dr.Sasa min ngai cu Maung Taing San a si, Armenia ram Yerevan State Medical University ah sibawi a rak cawngmi a si.

India milesa bantuk in siangin a kai, cun sibawi a cawn liao ah arak sung i voihnih phit tthan khawhnak caanṭha a nei nan a phit lo ruangah siangin inn an phuah, Cun, pam tongmj pawl bawmh dingin Mizoram, Aizawl ah mirang nu he an i tong.

A sinan, pam tong pawl bawmhnak i rianṭuan tu Community leader pawl le harnak tong pawl he ton ter duh lo in amah lawng nih a ton i information pawl zong a mah nih a tleih dih.

Mirang nu nih a thlahtu organization sin ah report a tuah i biatak ten an rak buai (CHRO nih hi kongkau ah an chim duh rih lomi bia tampi a um, Cheery Zahau zongnih a herh a si ahcun a chim tthan kolai dah ka zumh) tiin a tarlangh.

Cun, a ttial tthan rihmi pakhat cu Lailenpi khua i Airstrip khi Mission Avation Fellowship pawl tuahmi a si. England Siangpahrang te inchung khar bawmhnak i tuahmi bantuk in facebook ah a tarlangh ruangah MAF pawl cu an ngeih a chia taktak.

An ngeih a chiat tuk ruangah January 7, 2020 ah Yangon ah Press release an tuah. Pumpak soinak le thangchiat nak le dohnak a si lo, kan miphun i hruaitu pakhat, mizapi nih arfi bantuk i kan zohmi a si ruangah an sinak diktak hi kan theih ah a ṭha tiun ka ruah ruangah hiti ka van ttialnak a si tiin a tarlangh. (Salai Zing Hmuh facebook ta)

Be First to Comment

Leave a Reply

Your email address will not be published. Required fields are marked *