Bawipa Tha Tuk E : CNA Sinah Vanlong Kahnak A Phan Cang

Breaking News: CNF sinah Vanlong kahnak a phan cang. Tunai ah khan Vaurawng Zuunthil nih A tu bak kha a phan tiah an langhter.

A duh bak kha a phan an timi cu Vanlong kahnak a si. Vaurawng zuunthil cu Vanlong kahnak cawk kha an i tinh pengmi a si caah an tlamtlinh cang tinak a si. Kawlram Tlangcung hriamtlai phu lak ah Vanlong kahnak a ngei hmasa cem pawl kan si. Mahhi Vanlong kahnak nihhin Jet fighter zong tla bak in a kah khawh cang lai.

thawngpang dang relchap : Sualnak ngeilo tiah court(တရားရုံး) nih thlahcang mi Chinmi minung 4 cu an tlaih than hna Thla 5 hrawngrau cangmi Chin ramkulh, Palatwah thonginn ah khumhmi Chinmi pa 4 cu nizaan court(တရားရုံး) nih an sualnak an hmuhpiak hna lo caah thlah than an si na in, nihin zinglei suimilam 10:00 hrawng ah thong ah khumhthan an si tiah theih a si.

“Nizaan lawng ah an chuak, kanmah phunglam he a tlak in puai zong tuahpiak an si. Nihin zinglei ah palik sakhan in a herhmi a um caah tiah an auh than hna i, an thlah than ti hna lo thong chungah an khumh than hna. Sualnak an ngeilo tiah court (တရားရုံး) nih thlah cang ko mi zeiruang dah tlaihthan an si cu theih a si lo”tiah tlaihkhih a tongmi chungkhar pakhat nih Khumi Media ah a chim. Khumi Media group

Leave a Reply

Your email address will not be published. Required fields are marked *