August 8 zinglei zongah Hakha Palik sakhan lei in kahdohnak thawngpang theih a si.

Hakha Lei Kahdohnak Ralkap Thi Le Hliamtuar 20 An SiHakha pawngkam August 5 kahdohnak ah SAC ralkap 12 an thi, Hakha pawngkam le khua chungah pehzulh in kahdohnak a chuak, Chin hriamtlai phufonh le SAC ralkap hna cu August 5 lawngah kahdohnak voithum a chuak i SAC ralkap a thimi an um tiah CNF biachimnak nawl a ngeitu Salai Htet Ni nih People’s Spring ah a chim.

August 5 ah Hakha-Thantlang karlak, Timit va le Hakha-Gangaw karlak ah kahdohnak a chuak tiah theih a si. “August 5 ah kahdohnak voithum a chuak, SAC ralkap 12 an thi i 8 an i hliam” tiah CNF biachimnak nawl a ngeitu Salai Htet Ni nih kahdohnak he pehtlai in People’s Spring ah a chim.

August 8 zinglei zongah Hakha Palik sakhan lei in kahdohnak thawngpang theih a si. Hakha pawngkam ah Chin hriamtlai phufonh le SAC ralkap karlak ah July 28-August 8 tiang kahdohnak hme/ngan he pehzulh in a chuak.Kahdohnak a chuah fatin, Hakha khua Rungtlang ah hram a bunhmi SAC LIB 266 le Independence Monument (လွတ်လပ်ရေးကျာက်တိုင်) lei in SAC ralkap nih hriamngan kah a bawmh lengmang hna. The Chinland Post

Thawng rel chih.TAIWAN hi China nih lak ding in a mit a thi tuk cang ti a si. A ruang tampi lakah aa telmi cu, Taiwan hi tulio Vawleipi nih kan hmanmi smart phone, smart car, Smart tv tbk Hi-tech chips, an chuahnak ram a si i, Vawilei thangchonak ah a biapi ngaimi Island ram a Cun, China nih Taiwan a lak ahcun, China South Sea ah a hmunhma a ttha chin chin lai i, Asia Pacific ram vialte a control khawh nak caah aa rem khun lai.

Asinain by force in Taiwan lak ding hi ngamh dawh a si rih lo. By force in Taiwan a lak ahcun, US nih Ralkap thazaang hman hrim a herh lai tiah an tuak cio. US aa thlak a herhnak cu, abik in Asia Pacific ram vialte ah US dirhmun ven a herh pinah, Japan le Australia security kong ruah hrim in, US aa thawh a hau men lai ti a si.China nih Taiwan a tuk ahcun, a man a fak takmi War a si lai. Tulio a cang cuahmahmi, Russia nih Ukraine a tukmi hmanh ah hi tluk in Vawlei nih an tuar ahcun, China nih Taiwan a tuk chin chin ahcun, Ukraine le Russia War nakin, a let in Vawlei pi nih an tuar deuh lai. A man a fak deuh lai ti a si.

Cucaah, China nih hin Taiwan hi a mit a thi tuk ko nain, a tu ngam taktak rih lai lo tiah a ruatmi tampi an um. Naite Nancy Pelosi nih Taiwan a tlawn ahkhan, China cu an thin a hung tak. Lehrulhnak le tlerhnak zong fakpi in an tuah. Bia fakfak an chim. Nain, tlerhkhawn tiang vial si sehlaw a dawh.

Taiwan le China hi, “China” timi Min aa cuhmi ram an si i, US le Soviet Union an rak irenh lio caan a si caah tulio China hi, US nih savo ngan deuh an rak pek hna caah, China pakhat nan si i, Taiwan hi China ah aa telmi, a mahte in aa ukmi ram ah an si tiah, One China policy in an rak cohlang hna. Taiwan ah US Embassy cu, Beijing ah an rak tthial.

Taiwan hi independent ram tiah cohlangmi an si ciah lo nain, an iuk ning le Cozah system cu, independent ram bantuk te an si ko. Cucaah, anmah Taiwan population chung ahhin % tlawmte nih independent min put an duh. 90% nihcun, tulio an si ning tein um hi an duh ko.Cucaah, US zong nih tulio an sining hlei in independent lakter ding hi thazaang a pe hna lo.

Anmah Taiwan zong nih independent lak dinghi biatak in an khel hlei lo. Asinain, Mainland China nih “national reunification” Miphun ifuntawmnak timi timhnak he Taiwan cu an ngiar peng hna. Hmailei Zeidah an lawh hnga? [Aww, Taiwan hi kan unau Hakka miphun umnak ram a si . Zasang Cinzah

Be the first to comment

Leave a Reply

Your email address will not be published.


*