Press "Enter" to skip to content

A Fak Tuk E : A Fa Le An Cutzat Hlan Ah A Nu Nih A Thih Tak Hna (+Video)

Vawlei cung hi cu e duh cu a tling hrim loh mu, thihnak nih cun mizei hmanh a hrial hna lo hi teh, an fa le tete zoh ah cun zaang fak tuk an si ai e..Mah thawng hi kan hnu teah thil a cang mi a si.

Pi Ringliani a si i an mah hi Mizoram Aizawl ah khua a sa mi an si, a fale an cutzat hlan ah hringtu a nu nih a thihtak hna hi a si, fa pa 5 a ngeih ta hna i a fale an cutzat hlan ah a thih tak hna hi a si. Hringtu a nu a thih ning le a fale tete an dir hmun hi van zoh tti ta hna usih.

Video

Thawngpang dang relchp <<<<< Zuu A Din Lio Ah A Thih Caah A Din Pi Mi A Hawi Le Cung Ah Buainak Lian Taktak A Chuak Khah ttha tein zoh khawh le zulh khawh cio rak i zuam hna usih. Beer a dingmi na si ve ah cun nai ralrin ngaingai a hau. Hawikom he nuam ngai in dawr pakhatkhat ah maw, hmun pakhat khat ah beer ding hi a nuamh khun caah nai ralrin ngaingai a herh. Kum 20 te lawng a si rih mi tlangval pakhat cu a hawi le beer an din nak hmun ah beer a din lio ah a thih caah a din pi hawi le minung 9 cu police nih an tlaih hna.

Hi thil hi Japan ram ah a cang mi thil a si. A thi mi pa hi university a kai cuahmah lio mi sianghngakchia pakhat a si. A hawi le he party an ngei i beer cu nuam ngaingai in an ding hna. An din kaa hrawng ah hin cun zeithil hmnah buaibai nak le tih nung mi an cung ah a tlung lem loh. Asi nain tlawmpal an din hnu ah an din mi beer langkhat ah zuu phunkhat a simi “Pek 20” bak an cawh i cu an cawh mi zu le beer cu hi pa nih hin a din. A din le cangkaa bak in ai let colh i a tlu colh. A tluk kaa ah cun a hawi le nih zeiah an rel loh i a rii tuk le a si lai tiah an ruah.

Vanchiat tuk ah a thaizing ah hi pa te hi a thi diam ai, a tho kho ti loh i a thi thai kan ti lai cu. Hi ruang ah hin a hawi le hi an daithlang tuk, an hawipa nih hibantuk a ton tik ah zeihmanh an buaipi colh lo ruang ah le an ngaihven lo ruang ah mipi nih an mawhphurh taktak hna.

Hi thil hi nikum kum hmasa ah khan a cang mi thil a si cang nain tukum 2019 november 5 ah khan sizung lei nih a hawi le pakua hi an auh hna. An hawipa nih zu a rak din kaa ah khan a thi colh dingphun bak in a rak um nain sizung zong ah an rak tlik pi lo caah le zeihmanh an rak buaipi lo caah hibantuk hin an auh than hna nak le bia an hal than hna nak hi a si.

Biatak tein police he an buaipi than a si ah cun a hawi le pakua caah hin thil harsa a si ngaingai te lai. Laimi zong hi beer le zu a duh ngaingai mi miphun kan si caah a din zia thiam le i ralrin thiam hi a herh ngaingia. Dinlo cu a tha bik ko nain dinglo dingin cun a ho hmanh nih an in fial kho fawn lo cu teh, cucaah cun lungfim tekhan na um peng a hau.

Be First to Comment

Leave a Reply

Your email address will not be published. Required fields are marked *