<<<,.KIA Pasalttha Rual Nih Min Aung Hlaing Uico Rual Sakhan An Lak Nak Video Hi Rak Zoh Ve Hih.>>>>>>.

KIA Pasalttha Rual Nih Min Aung Hlaing Uico Rual Sakhan An Lak Nak Video Hi Rak Zoh Ve Hih.>>>>>>.

KIA pasalttha rual nih Min Aung Hlaing Uico rual sakhan an lak nak video zoh cu lung a hmui kho tuk eh! KIA le KNU pawl an ralthat ning hi cu aw uar an um bak ko.KIA bantuk khin Kan Chin Pasalttha rual nih ralhrang pawl an hriamnam he hei lak piak kho ve tawn hna sehlaw zeitluk khin dah lung a hei hmui khawh hnga mu.

Min Aung Hlaing uico rual zong KIA pasalttha hna sin ahcun an cawlcang kho bak lo. KIA pasalttha rual nih ralhrang an hei thah tam cang ni le an hraimnam an hei lak piak mi ahei tam cang ni cu khuaruahhar lei khi an si.

KIA pasalttha rual nih nizan Aug 4.2022 ah khan Min Aung Hlaing uico raul sakhan pakhat an lak piak i ralhrang tam tuk an thah hna leng ah an hriamnam tampi an lak piak. A tang video link hi rakl hmet law rak zoh ve. Video link zohnak

Relchap- Tlangcungmi Thahnak Caah Hriamnam USD 3100 Million Man Acawktu Min Aung Hlaing. Justice Fanu Fapa le asimi American le Taiwan an i tlawn. Congress Speaker Nancy Peplosi cu Taiwan a tlawn balmi USA rengsang bik asi.

Ralhrang Tuluk ato hmun in a zai tuk ah a dang a car dih cang. Ralhrang Alliance hi Tuluk Russia Kawlram SAC. Russia Ramdang Vuanci Kawlram a ra. Tlangcung mi thahnak le cihmih awk ah a cawk mi Hriamnam le Missle, Chemical Weapons fekternak asi.

ASEAN Ralhrang le Democracy phu he aa cawh mi Meeting an tuah lio. MAH cu Ko Jimmy te a thah hna ruang ah an sawm lo. Kawlram Dindaihnak kong an ceih. Thihdan pekmi thah nawlh ti lo ding, ASEAN biachahnak 5 tlinter ding, DASSK le MAH tonding ti kha an ceih bik mi asi.

American nih Kawlram cu fakpi in dantat awk ah aa timh cang. American nih hriamnam kan bawmh khawh sehlaw, MAH cu fawi tuk in kan thluk ve lai. 1300 Million man Hriamnam cu Rawlchumnak thingtan (Gas) ah kan hmang ve hnga. Can a ngeih mi le fian deuh in hngalh aduh mi nih Relchap ding

Tlangcungmi Thahnak Caah Hriamnam USD 3100 Million Man Acawktu Rallokap. Sifak bik ram asi mi Kawlram nih Hriamnam cawknak caah American Dollar 3100 million a hman tiah Trading Economics phu nih an ti. Ram 196 nih, hriamnam ah an hmang mi cazin Khawm suat tu phu an si.

Paucan Dohthlennak caah a cawk mi siloin, Tlangcung mi kahthat in cihmih awk ah a hlan kan tein hriamtling cu a cawk. Cucu Paucan Dohthlennak ah ahman ve. Russia sin ah a cawk tir mi le cawk aa timh rih mi Raltuknak Vanlawng phun phun, Tank le miakpi rual hna dah ti lo cun:

Tlangcungmi cihmih nak caah an cawk mi lawngte an si. Ralhrang Rallokap lawng siloin, Cozah kip luban le Tamada hna senthuhnak in fek ter hnu ah cawk mi hriamnam, Tlangcung mi Cihmih nak ding cu asi. Paucan Dohthlennak a hung si tikah, anmah Kawlmi thahnak ah ahmang chih hi asi. A sullam cu Tlangcung mi cihmih awk ah USD 3100 million (3.1 billion) adih tinak asi.

Rampi phaisa 50% cu Rallokap nih an hman. Mipi Ngunkhuai hmangtu Rallokap ansi. Tlangcungmi Ngunkhuai zong aatel. Ngunkhuai le mipi phaisa 50% aa lak hnu ah: Rampi Sipuazi 60% aa lak rih. Kawlram natural resources 60% zong Rallokap nih an I lak.

Suingun, Lungvar, Lunghrin, Tlawrthing le thing mansung, Gas, tbk leicung leitang thil mansung vialte cu Tlangcung mi ram in a chuak mi lawngte an si. Tlangcungmi kan ngeihchia chawva le kan hlawnthil, kan ngunkhuai in kanmah Tlangcung mi that tu le cihmih tu MAH le Rallokap ansi.

Hi vialte rampi rumnak (Tlangcungmi rumnak) cu Rallokap le Hriam caah 1/3 lawng a hman. MAH le Ralbawizik rual, Ralbawi rual le an chungkhar sahlawh rualchan, an minung hna caah 2/3 cu an i lak. Rallokap covo phaisa vialte in Tlangcung mi thatnak le cihmih nak hriamnam hi cawk sehlaw, USD 12 billion man asi lai.

Mifir le Damiah an si mi MAH le Rallokap an si ruangah 3.1 billion man lawng hi Tlangcungmi cihmih nak caah an cawk hi asi. Russia ah an cawk thar mi le an cawk ding mi cazin tel rih loin, 3.1 billion USD cu a tam bak asi. Vauraung 3 million Project (5 million / 10 million Project) he pifa an lawh ko.

U Pai Sipuazi Co. Ltd cu Rallokap Sipuazi nganbik asi. Rampi Sipuazi vialte anmah kut le an kut tang ah aum dih. Natural Resources vialte an zuar caah an rum tuk. Rallokap le Innchungkhar ca lawng asilo, Pension cia mi le USDP Party tiang Bawmhnak an pek hna.

Ramchung le Ramleng he hriamnam serchuak nak Cetzung (factory) tampi an ngei. Ramdang in Hriam ṭhaṭha (Chan tiluan he aa rup mi le IT Hriamnam vialte) cu an cawk piak rih hna. Rallokap hi hriamnam in an rum lawng asi lo, ngunsawn chawva hrim in an rum tuk palia. Hlan deuh Rallokap cu Ramkhel le Uknak lawng kha an duh.

MAH le Tutan Rallokap cu Politic (Ramkhel), uknak le Rumnak he an kemh chih caah Kawlram ukpen zungzal an duh i, ṭum an duh ti lo. Zetikhmanhah, ṭum an i timh ti lo. Rallokap hriamnam cawkpiaktu le zalh piak tu Minthang hna cu: U Ṭayzah le Dr. Tharzinmyat hi minthang bik an si. Adang tampi thah cawk lo an um rih.

2019 in Russia sinah Rallokap nih hriamnam an cawk mi man hi USD 809 million asi (Stockholm International Peace Institute). Hriamnam zuar ah American changtu Russia caah Sipuazi aa hlawk tuk cang. Russia loin Ramdang in acawk mi hriamnam man cu USD 1500 million asi.

Russia hlan ah, Tuluk sin ah an cawk tawn. Russia sin in a cawk mi Raltuknak Vanlawng hna cu: Mi-29 Jet fighter; Mi Helicopter; Yak 130 Jet Fighter; Su-30 SME Jet Fighter le kaakip hmang khawh mi asi i Seh pahnih bunhmi asi; Rallokap le Thilri phawrhtu Mi- Helicopter: Tanks le Motor phurhtu Tanks; Hi vialte hriam hi Tlangcungmi thah nak caah a cawk mi asi.

Paucan Dohthlennak cu Rallokap an ruah bang lomi Dohthlennak asi. Tlangcungmi thah dih awk ah Jet Fighters le helicopters hi an cawk mi asi. Kum 70 chung timh ciamman tein, Kawlram Uktu Luban kip le Rallokap bawirual nih Tlangcungmi cihmih awk ah an zalh i an i ngeih mi hriamnam an si hna. Jet Fighters le Helicopter in Tlangcung mi an kah hna hi a hlan tein asi cang.

Paucan Dohthlennak hi Mipi Ralkapbu le Russia Raldoh asi ti khawh asi. PDF he Raldoh ah siseh, EAO he Raldoh ah siseh, Russia in a cawk mi Jet Fighters le Helicopters, Tanks rual hi an hmang lengmang.

Aruang cu Hmunhma hip awk ah Raltuknak Vanlawng hi a hmannak asiko. Mipi nih kan TEI deuh. Chinland, Kachin, Karen, Karenni, Sakai, Makui tbk raldohnak kip ah Russia Raltuknak Vanlawng hi Rallokap nih an hmang zungzal ko. A hman bik mi cu a ṭhabik in MAH nih aa ngeih mi Mi29 hi asi. Karen Ukariṭha Raldohnak ah a hmang mi kha asi.

Duh paoh in Daivin (Diving) a thut (ṭhut) khawh; Khuacan ahman lo I khuacan chiat zong zei a rello; Longrange timi Lamhlat pi in a ra khawh zungzal i, ral adoh khawh zungzal fawn; Route timi alam pi thluan ah khuacan zeitlukin a chiat zong ah a tap khawh lo i, a zeipoi lo; Ukariṭha a kah lio kah Rangoon Hmawbi an kal I an kah mi asi.

Karen a kah hna ah a Saupawt tuk sual i Thailand ramri lawnh in a zuang i a kah sual hna. Thai PM pa nih MAH he bia kan I ruah cang, a tluang dih tiah Media cu a ti hna nain: Thai Hlutdaw meeting ah: Thai MP Sarawut Phetpanomporn, Pheu Thai Party, nih Bia a hal hna i, rolung abunh hna.

Thai PM Prayut Chan-ocha nih leh loin; Mr. Chaichan Changmongkol (Deputy Defense Minister) nih hi hnu si ti lo nak ding ah kan I zuam lai. F-16 Jet Fighters pahnih in ral kan ven zungzal cang. MAH le Kawlram nih Hmaithlamh ka man seh, liam seh tiah bia kanchah tiin MP pa cu a leh. MAH le Zaw Melung nih bia an leh rih lo.

MIG-29 Jet Fighter man cu USD 5 million (Hmancia) le USD 8 million (Athar) asi. MAH nih MiG-29 Jet Fighters hi 31 a ngei (Military Wiki). J10 le FS1 kha Tuluk sinah cak ding in hnatlaknak an ngeih cang ko nain; Russia sinah MiG-29 Jet Fighter 20 cu USD 572.2 million in a cawk (Reuter, 23December2009).

2001 ah Russia nih MiG-29 pahleihnih (12) a kuat. MiG-29 cu chan 4nk Russia fimthiamnak asi. 1970 ah an siam mi i 1983 ah an hmang. American McDonell Douglas F-15 Eagle, F-16 Fighting Flacon hna zuamcawh khawh dingin siammi MiG -29 asi. Cold War Period timi USA le American Ralthli dohnak ah Russia nih an hmang bik mi asi. Credit.the chin postH